Пад такім загалоўкам у нумары «Звязды» ад 24 снежня 2016 года быў змешчаны ліст спадара Анатоля Мазго, у якім выказваліся прэтэнзіі да якасці перавозкі пасажыраў цягнікамі эканом-класа па маршруце Барысаў—Мінск.
Публікацыя, як паведаміў намеснік начальніка Беларускай чыгункі У.В. Балахонаў, разгледжана, і па сутнасці пытання паведамляецца, што (цытата) «з цягніком рэгіянальных ліній эканом-класа № 7001 Барысаў—Мінск з 23.12.2016 штодзённа эксплуатуюцца электрацягнікі серыі ЭР9 прыпіскі маторвагоннага дэпо Мінск, якія маюць у сваім саставе 10 вагонаў.
У мэтах скарачэння эксплуатацыйных выдаткаў у сувязі з сезонным зніжэннем пасажырапатоку Беларускай чыгункай перыядычна праводзіцца... змяншэнне даўжыні саставу да 8 вагонаў.
У адпаведнасці з існуючым раскладам руху цягнікоў гарадскіх і рэгіянальных ліній, абслугоўванне цягнікоў рэгіянальных ліній эканом-класа Барысаў—Мінск можа ажыццяўляцца электрацягнікамі серыі ЭР9, якія маюць у сваім саставе 8 альбо 10 вагонаў.
Цягнік рэгіянальных ліній № 7001 адносіцца да катэгорыі эканом-класа. У цягніках гэтай катэгорыі ўзровень абслугоўвання пасажыраў і ўмовы іх праезду адпавядаюць існуючаму фармату пасажырскіх перавозак.
Просім прабачэння за прычыненыя нязручнасці і спадзяёмся, што карыстанне чыгуначным транспартам будзе выклікаць у пасажыраў толькі пазітыўныя ўражанні».
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
