Вучні, настаўнікі, госці віленскай гімназіі імя Ф. Скарыны сталі ўдзельнікамі свята, прысвечанага 500-годдзю беларускага кнігадрукавання. Пра тое, якія канферэнцыі, круглыя сталы, семінары, прэзентацыі, выстаўкі праходзяць у сувязі з гэтай датай у Беларусі і ў свеце, расказаў кіраўнік беларускай дэлегацыі, намеснік міністра інфармацыі Рэспублікі Беларусь Алесь Карлюкевіч. Намеснік дырэктара Нацыянальнай бібліятэкі Беларусі Алесь Суша прэзентаваў выданні, прысвечаныя Францыску Скарыну і вытокам беларускага, усходнеславянскага кнігадрукавання, якія выйшлі ў апошні час. Адно з выданняў — пра віленскія адрасы беларускага кнігадрукавання. Алесь Суша нагадаў, што ў Вільні ў 1522 годзе выйшла «Малая падарожная кніжыца» Скарыны.
Дарэчы, у горадзе Вільнюсе мясцовыя ўлады абвясцілі 2017 год Годам Францыска Скарыны.
Міністэрства інфармацыі Беларусі перадало дыяспары нашых суайчыннікаў у Літве 6 бібліятэчак культурна-асветніцкай, гістарычнай, мастацкай літаратуры. У кожным з камплектаў па 127 кніг.
Сяргей ШЫЧКО
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
