Вы тут

Дыялог па Курапатах будзе працягнуты


Пра гэта заявіў старшыня Мінгарвыканкама Андрэй Шорац.


Як перадае БЕЛТА са спасылкай на сайт Мінгарвыканкама кіраўнік горада заклікаў штучна не напружваць атмасферу вакол будаўніцтва бізнес-цэнтра непадалёк ад урочышча Курапаты. Пра гэта ішла гаворка падчас прыёму грамадзян, куды прыйшлі актывісты, якія выступаюць супраць узвядзення будынка.

— Мы вас пачулі. Правядзём кансультацыі з Міністэрствам культуры, іншымі арганізацыямі, навукоўцамі, — адзначыў Андрэй Шорац.

Раней прадстаўнікі гарадскіх улад і Нацыянальнай акадэміі навук Беларусі канстатавалі, што на тэрыторыі забудовы няма месцаў пахавання ахвяр рэпрэсій, з гэтай высновай пагадзіліся ўсе ўдзельнікі сустрэчы.

Днём раней падчас прэс-канферэнцыі да 100-годдзя міліцыі на гэтую тэму выказаўся і міністр унутраных спраў Ігар Шуневіч.

— Я ведаю, што існуе праблема. З аднаго боку, там ідзе легальнае, абсалютна законнае будаўніцтва, з другога боку — існуе меркаванне пэўнай групы людзей, што будаўніцтва там быць не павінна. МУС менш за ўсё хацела б выступаць трацейскім суддзёй у гэтым пытанні. Калі будзе прынята рашэнне аб спыненні будаўніцтва, пытанне такім чынам вырашыцца. Калі не — мы будзем выконваць закон, алгарытм нашых дзеянняў вядомы. У цэлым хацелася б меншага градуса вастрыні, — падагульніў кіраўнік міліцэйскага ведамства.

Дар'я КАСКО

kasko@zvіazda.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.