Вы тут

Форум «М.аrt.кантакт-2017» пройдзе ў Магілёве з 21 па 27 сакавіка


Магілёўская моладзь у прадчуванні тэатральнага свята: форум «М.аrt.кантакт-2017» завітае ў горад і будзе панаваць у ім з 21 па 27 сакавіка. У яго праграме 22 спектаклі з 10 краін свету. Гэта значыць, што кожны тэатральны дзень на некалькіх магілёўскіх сцэнах будзе ісці па 3—5 пастановак.


Фота: gorodmogilev.by

Не менш насычаная і спецыяльная праграма форуму. У арт-фае драмтэатра маладыя фатографы пакажуць фотапраект «28». Штодня будуць праходзіць прэс-канферэнцыі, абмеркаванні тэатразнаўцамі прагледжаных спектакляў і нават у начны час свята працягнецца для ўсіх ахвотных у сценах пастаяннага партнёра форуму — клуба «КУБА».

Тэатралам-пачаткоўцам выпадзе ўнікальная магчымасць пабываць на майстар-класах у сапраўдных карыфеяў тэатральнага мастацтва.

На працягу форуму будзе працаваць «Майстэрня маладой рэжысуры». У яе рамках адбудзецца чытка п'есы Аляксея Макейчыка «Бзік», якая летась увайшла ў шорт-лісты адразу некалькіх прэстыжных конкурсаў — сучаснай беларускай драматургіі «WrіteBox-2016», маладой драматургіі «Любімаўка-2016», міжнароднага конкурсу драматургаў «Еўразія-2016». На тэатральную мову літаратурны твор пераклала рэжысёр Таццяна Ларына, вядомая па пастаноўках у тэатральна-культурным цэнтры імя Усевалада Меерхольда і Цэнтры сучаснай беларускай драматургіі. П'еса прагучыць у выкананні артыстаў магілёўскага абласнога драмтэатра і Цэнтра эксперыментальнай рэжысуры БДАМ.

Падчас круглага стала «Актуальныя тэмы ў сучасным тэатры» будзе прэзентавана кніга Андрэя Масквіна «Беларускі тэатр 1920—1930-х: адабраная памяць». Аўтар — адзін з пастаянных удзельнікаў тэатральнага форуму ў Магілёве, аўтарытэтны эксперт, да меркавання якога заўсёды прыслухоўваюцца.

Нэлі ЗІГУЛЯ

zіgulya@zvіazda.by

Загаловак у газеце: Форум маладых тэатралаў

Выбар рэдакцыі

Грамадства

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Здароўе

Асцярожна: ежа! Як папярэдзіць харчовыя атручэнні

Асцярожна: ежа! Як папярэдзіць харчовыя атручэнні

Як папярэдзіць харчовыя атручэнні.

Культура

След Рагнеды і два Менскі. Што «накапалі» археолагі і як гэта змяняе погляд на беларускую гісторыю

След Рагнеды і два Менскі. Што «накапалі» археолагі і як гэта змяняе погляд на беларускую гісторыю

 Што «накапалі» археолагі і як гэта змяняе погляд на беларускую гісторыю.

Грамадства

Прыёмная кампанія: хто штурмаваў ВНУ? Рэкорды і антырэкорды

Прыёмная кампанія: хто штурмаваў ВНУ? Рэкорды і антырэкорды

У БДУ 82 % залічаных на першы курс набралі 300 балаў і больш.