Вы тут

Амаль сотня экспанатаў прыехала ў Мінск дзеля адмысловай выстаўкі


Нельга не згадаць яскравую і значную ролю роду Радзівілаў у гісторыі Беларусі, калі ён і паўдзельнічаў у арганізацыі, і стаў галоўнай тэмай унікальнай выставы ў Мінску.


Нацыянальны мастацкі музей і князь Мацей Мікалай Радзівіл, які валодае вялікай калекцыяй партрэтаў сваіх продкаў і шматлікімі сямейнымі рэліквіямі, аб'ядналіся дзеля правядзення ў Мінску выстаўкі «Радзівілы: лёсы краіны і роду». У экспазіцыі, якая працуе яшчэ з 15 лютага, наведвальнік упершыню атрымаў магчымасць убачыць партрэты, мініяцюры, медалі і мастацкія тканіны з прыватнай калекцыі Мацея Радзівіла.

Дзевяноста дзевяць арыгіналаў, што прыехалі сюды з Польшчы, — насамрэч толькі маленькая частка яго калекцыі. Выстаўку ў Мінску дапоўнілі таксама партрэты Радзівілаў са збору мастацкага музея. Калекцыя палотнаў ніцямі праходзіць праз нашу гісторыю і нагадвае пра яе прыгожыя старонкі. Барбара Радзівіл была каралевай Польшчы, Мікалай Крыштаф Радзівіл Сіротка заснаваў Нясвіжскую, адну з самых вялікіх, рэзідэнцыю, Міхал Казімір Радзівіл Рыбанька стварыў мануфактуру слуцкіх паясоў, удалец Караль Станіслаў Радзівіл Пане Каханку праславіўся грандыёзнымі вечарынамі. Да таго ж перад перайманнем усходнееўрапейскай моды ён аддаваў перавагу традыцыйным шляхецкім звычкам, у чым падае прыклад і сённяшнім беларусам.

Падчас работы экспазіцыі — паглядзець яе можна да 16 красавіка — Нацыянальны мастацкі музей праводзіць шэраг лекцый і экскурсій. Ужо сёння, 11 сакавіка, тут раскажуць пра Барбару Радзівіл і яе вобразы. Заўтра — 12 сакавіка — пройдзе аўтарская экскурсія «Музыка эпохі: Радзівілы», а 17 сакавіка — экскурсія «Радзівілы ў імёнах і тварах». З 18 сакавіка да 8 красавіка раскіданыя лекцыі, на якіх можна даведацца пра паўсядзённае жыццё магнатаў, Радзівілаў як мецэнатаў, меламанаў і кампазітараў, пра тэатр Радзівілаў і пра архітэктуру Нясвіжскага замка ў XVІ—XVІІІ стагоддзях. Нарэшце, 14 красавіка адбудзецца экскурсія «Вялікія жанчыны роду Радзівілаў».

Соф'я КІСЯЛЁВА

Загаловак у газеце: Радзівілы з усіх бакоў

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Гэты тыдзень вельмі ўдалы ў плане кар'еры і любові. Могуць паступіць прыемныя дзелавыя прапановы. Калі вы сканцэнтраваныя і ўважлівыя, то забяспечаны поспех, прычым такі, на які нават не разлічвалі. Цяпер час выканання жадання, вырашэння праблемы, якая хвалюе даўно. Да канца тыдня прыйдзе адчуванне радасці, спакою і гармоніі.

Грамадства

Як нармалізаваць артэрыяльны ціск?

Як нармалізаваць артэрыяльны ціск?

Сёння ў кожнага пятага дарослага чалавека ў свеце дыягнастуецца павышаны крывяны ціск.