Даволі няўстойлівае, але цёплае надвор'е чакаецца ў Беларусі на гэтым тыдні, паведамляе намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Святлана Рыбакова.
Сіноптыкі адзначаюць, што ў другой дэкадзе сакавіка ў нашай краіне захаваецца павышаны тэмпературны рэжым, а чаргаванне зон павышанага атмасфернага ціску і франтальных раздзелаў забяспечыць няўстойлівы характар надвор'я.
Кіраваць надвор'ем у аўторак будзе зона павышанага ціску. Абыдзецца без істотных ападкаў. Удзень паветра будзе прагравацца і тэмпература складзе 4—10 цяпла. У сераду і чацвер пад уплывам атмасферных франтоў надвор'е пагоршыцца. Прагназуецца, што ўначы на сераду па паўночным захадзе, а раніцай і ўдзень на большай частцы тэрыторыі краіны пройдуць кароткачасовыя ападкі ў выглядзе дажджу і мокрага снегу.
Паляпшацца надвор'е пачне ў пятніцу, калі чакаецца рост атмасфернага ціску, выгляне сонца і будзе пераважна без ападкаў. Тэмпература паветра ўначы складзе ад мінус 5 градусаў да 2 цяпла. Удзень будзе 4—9 цяпла, а па паўднёвым захадзе — да плюс 11 градусаў.
Сяргей КУРКАЧ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
