Вы тут

"Настаўніка года" выберуць на Міншчыне 29 сакавіка


У цэнтральным рэгіёне праходзіць абласны этап рэспубліканскага конкурсу прафесійнага майстэрства “Настаўнік года Рэспублікі Беларусь”. 


Конкурсныя мерапрыемствы распачаліся ва ўстановах адукацыі Мінскай вобласці яшчэ восенню 2016 года. У першым аглядзе педагагічных талентаў прынялі ўдзел 2297 чалавек, якія дэманстравалі сваё майстэрства ў школах, гімназіях, ліцэях, каледжах і дзіцячых садках, дзе яны працуюць.

У снежні—студзені 2017 года 789 педагогаў, якія сталі пераможцамі ў сваіх установах адукацыі, уключыліся ў прафесійныя спаборніцтвы другога (раённага) этапу конкурсу.

Удзельнікамі трэцяга (абласнога) этапу сталі 162 педагога, якія прадстаўляюць установы агульнай сярэдняй і прафесійна-тэхнічнай адукацыі Міншчыны. Па выніках завочнага ацэньвання конкурсных матэрыялаў журы адабрала 40 удзельнікаў, якія працягнулі прафесійнае спаборніцтва.

13 сакавіка педагогі прайшлі тэсціраванне, якое ўключала пытанні па выкладанні свайго вучэбнага прадмета, педагогіцы і псіхалогіі. Затым іх чакалі адкрытыя ўрокі (заняткі) у незнаёмых класах (групах), а таксама майстар-класы для студэнтаў Беларускага дзяржаўнага педагагічнага ўніверсітэта, МДЛУ і навучэнцаў індустрыяльна-педагагічнага каледжа.

Па выніках гэтых выпрабаванняў у фінал абласнога конкурсу прайшлі 24 педагога (па 3 у кожнай намінацыі). 22 сакавіка яны пакажуць свае міні-ўрокі на сцэне Мінскага абласнога інстытута развіцця адукацыі.

А 29 сакавіка конкурс працягнецца на базе гарадскога дома культуры г. Дзяржынска, дзе адбудзецца публічнае прадстаўленне вопыту педагагічнай дзейнасці і творчая самапрэзентацыя канкурсантаў.

Па выніках усіх выпрабаванняў будуць вызначаныя лаўрэаты ў кожнай намінацыі, а таксама 8 пераможцаў, якія прадставяць Мінскую вобласць на рэспубліканскім конкурсе ў верасні 2017 года.

Адзначым, што рэспубліканскі конкурс прафесійнага майстэрства педагогаў “Настаўнік года” праводзіцца адзін раз у тры гады. У 2016-2017 навучальным годзе педагогі спаборнічаюць у 8 намінацыях: “Фізіка, астраномія, матэматыка, інфарматыка”, “Замежная мова”, “Руская мова і літаратура, беларуская мова і літаратура”, “Пачатковыя класы”, “Музыка, выяўленчае мастацтва, мастацтва (айчынная і сусветная мастацкая культура), працоўнае навучанне, чарчэнне, фізічная культура і здароўе, дапрызыўная падрыхтоўка”, “Гісторыя, грамадазнаўства, геаграфія”,  “Хімія, біялогія” і” Выхавальнік дашкольнай адукацыі”.

Арганізатарамі абласнога этапу конкурсу выступаюць упраўленне адукацыі Мінскага аблвыканкама і абласная арганізацыя Беларускага прафсаюза работнікаў адукацыі і навукі.

Надзея НІКАЛАЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.