Гэты незвычайны выпадак адбыўся ў Рэчыцкім раёне. Тут невядомыя ўкралі аднапавярховы дом агульнай плошчай каля 20 квадратных метраў.
Паводле інфармацыі УУС Гомельскага аблвыканкама, першай трывогу забіла суседка дачніцы па пасёлку каля вёскі Дзяражня — уладальніцы нерухомай маёмасці: якраз з-за яе адсутнасці. Пра знікненне дома яна і паведаміла гаспадыні, якая, як высветлілася, не была на дачы з лістапада мінулага года. Жанчына мусіла звярнуцца ў міліцыю. На месцы праваахоўнікі ўбачылі толькі падмурак дома. Цікава, што на хатнія рэчы зламыснікі не паквапіліся. Слядоў работы будаўнічай тэхнікі выяўлена не было. Як расказаў адзін з суседзяў, яшчэ ў канцы лютага дом стаяў на сваім месцы. Заведзена крымінальная справа, праводзяцца аператыўна-вышуковыя мерапрыемствы.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
