Ужо традыцыйна ацяпляльны сезон у нашай краіне завяршаецца ў першай палове красавіка. Спачатку цяпло перастаюць падаваць у грамадскія і адміністрацыйныя будынкі, а таксама на прадпрыемствы.
Адпаведныя кранікі на цяпло для адміністрацыйных будынкаў у сталіцы пачалі закручваць з панядзелка, паведамляе выконваючая абавязкі начальніка ўпраўлення гарадской гаспадаркі і энергетыкі Мінгарвыканкама Марына Малаева. Магчымыя тэрміны адключэння ацяплення ў жылым фондзе пакуль удакладняюцца, адзначылі ў Мінгарвыканкаме.
У рэжыме працеплівання
Кіраўнік прэс-службы Міністэрства жыллёва-камунальнай гаспадаркі Генадзь Аксціловіч паведаміў карэспандэнту «Звязды», што рашэнне аб адключэнні цяпла прымаюць аблвыканкамы і Мінскі гарвыканкам. Звычайна сезон завяршаюць тады, калі на працягу 5 дзён трымаецца сярэднясутачная тэмпература паветра больш за 8 градусаў. Напрыклад, адміністрацыйныя будынкі Гродзенскай вобласці ўлады вырашылі не ацяпляць ужо з першых дзён красавіка. А ўвесь жылы фонд перавялі ў рэжым працеплівання. Праўда, пакуль рашэнне аб завяршэнні ацяпляльнага сезона не прынята. «У сувязі з павышэннем тэмпературы паветра ў рэжым працеплівання пераводзіцца жылы фонд, інтэрнаты, гасцініцы, навучальныя ўстановы і аб'екты аховы здароўя», — адзначылі ў аддзеле энергетыкі, транспарту і сувязі Гродзенскага аблвыканкама. Там заўважылі, што мінулай вясной ацяпленне сталі адключаць таксама ў пачатку красавіка, аднак у трэцяй дэкадзе месяца з-за халоднага надвор'я цяпло на час вярнулася ў дзіцячыя сады, школы, бальніцы, а таксама жылы фонд Гродна і некаторых раёнаў вобласці.
У сталічным рэгіёне рашэнне прынята
Начальнік аддзела цеплавой гаспадаркі і энергетыкі ДА «Жыллёва-камунальная гаспадарка Мінскай вобласці» Таццяна Шмігельская паведаміла нашаму выданню аб тым, што рашэнне аб адключэнні цяпла ў цэнтральным рэгіёне краіны прынята менавіта ў аўторак. Гэты дакумент рэкамендуе адпаведным службам спыняць падачу цяпла ў дамы, калі на працягу 3 дзён на дварэ будзе трымацца сярэднясутачная тэмпература больш як плюс 8 градусаў.
Сяргей КУРКАЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.