Аб гэтым паведаміла міністр інфармацыі Лілія Ананіч, пад старшынствам якой прайшло пасяджэнне рабочай групы па падрыхтоўцы і правядзенні сёлетняга свята ў Полацку.
«Ужо цяпер разглядаецца тэма Брэсцкай вобласці — у наступным годзе свята прапішацца там. Ёсць такое спаборніцтва паміж рэгіёнамі, якія актыўна звяртаюцца ў міністэрства, абгрунтоўваючы заяўкі на правядзенні Дня беларускага пісьменства менавіта ў іх», — сказала міністр.
Паводле яе слоў, у бягучым годзе ў Полацку будзе ярка прадстаўлена гісторыя, традыцыі, культура Беларусі. «Свята не будзе абмежавана адным нядзельным днём. Урачыстасці пачнуцца ў пятніцу, у суботу будзе адзначацца Дзень горада, а вечарам адбудзецца ўрачыстае адкрыццё Дня беларускага пісьменства, яно пройдзе ў абноўленым фармаце. Гэта дасць магчымасць прыцягнуць лепшыя творчыя калектывы, ва ўсёй красе выкарыстаць новыя тэхналогіі, экраны, якія вечарам асабліва эфектныя», — адзначыла міністр.
На пасяджэнні ў Полацку падрабязна разглядаліся пытанні падрыхтоўкі Дня пісьменства, выказваліся прапановы, удзельнікі пабывалі на будучых асноўных пляцоўках свята, паведамляе БЕЛТА.
Фота БЕЛТА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
