Пры сутыкненні пасажырскага цягніка Масква-Брэст і прыгараднай электрычкі на захадзе Масквы пацярпелі 6 грамадзян Беларусі. Трое з іх шпіталізаваны, трое атрымалі меддапамогу і адмовіліся ад шпіталізацыі, паведамілі ў МЗС Беларусі.
У маскоўскія бальніцы былі змешчаныя дзве жанчыны і адзін мужчына. У іх дыягнаставаны пераломы рэбраў і ўдары, усім аказана неабходная дапамога.
Яшчэ трое беларускіх грамадзян, атрымаўшы дапамогу, адмовіліся ад шпіталізацыі і накіраваліся ў Беларусь.
Беларускія дыпламаты працуюць у цесным кантакты з прадстаўнікамі расійскіх МНС і чыгункі.
Пацярпелым пры сутыкненні цягніка і электрычкі ў Маскве выплацяць кампенсацыі да 2 млн расійскіх рублёў. Такая інфармацыя агучана 9 красавіка ў эфіры тэлеканала "Сталічнае тэлебачанне".
Паводле інфармацыі канала, "пацярпелым у залежнасці ад цяжару атрыманы траўмаў выплацяць да 2 млн расійскіх рублёў".
Аналагічную інфармацыю агучыў прэзідэнт Нацыянальнага саюза страхоўшчыкаў адказнасці (НССА) Ігар Юргенс. "Згодна з законам аб абавязковым страхаванні адказнасці перавозчыка перад пасажырамі (ФЗ-67), усе пасажыры, пацярпелыя на грамадскім транспарце, уключаючы чыгуначны, маюць права на страхавыя выплаты ў выпадку нанясення шкоды iх жыццю, здароўю, маёмасці. Максімальная сума выплаты страхавых кампенсацый пацярпелым складае да 2 млн рублёў ", - сказаў ён.
Сума выплаты кожнаму пацярпеламу разлічваецца па спецыяльнай табліцы, зацверджанай пастановай урада РФ, удакладніў Ігар Юргенс. Так, за ўдары і ранкі пацярпелыя могуць атрымаць ад 1 тыс. расійскіх рублёў, за пераломы канечнасцяў - ад 60 да 300 тыс. расійскіх рублёў у залежнасці ад месца пералому і ступені цяжкасці траўмы. У выпадку атрымання некалькіх траўмаў выплаты падсумоўваюцца.
Пасажыры цягніка Масква - Брэст могуць звяртацца па кампенсацыю ў страхавую кампанію "СОГАЗ", якая з'яўляецца страхоўшчыкам адказнасці перавозчыка - "Федэральнай пасажырскай кампаніі". Пра гэта паведаміла прэс-служба страхоўшчыка.
Прычынай сутыкнення цягніка Масква - Брэст з электрычкай на захадзе Масквы ўвечары 8 красавіка, па версіі Следчага камітэта РФ, магла стаць адмова тармазной сістэмы.
Па словах афіцыйнага прадстаўніка СК РФ Святланы Пятрэнка, версія прымянення экстранага тармажэння ў мэтах прадухілення наезду на пешахода не пацвярджаецца. Сутыкненне пасажырскага цягніка з электрычкай, па папярэдніх дадзеных, магло адбыцца з-за адмовы тармазной сістэмы. У мэтах праверкі дадзенай версіі следства ўжо канфіскавала дакументы аб тэхнічным абслугоўванні цягніка. У той жа час следчыя правяраюць усе магчымыя версіі сутыкнення.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
