Супрацоўнікі амерыканскай авіякампаніі Аmеrісаn Аіrlіnеs адмовілі пасажыру ў пералёце з-за віяланчэлі, якую ён узяў з сабой у салон лайнера, паведамляе WJLА-TV.
Інцыдэнт адбыўся ў нацыянальным аэрапорце Рональда Рэйгана ў Вашынгтоне. 46-гадовы музыкант Джон Кабоф падняўся на борт паветранага судна, каб вылецець у Чыкага. Аднак пілот і сцюардэса папрасілі мужчыну выйсці з самалёта. Паводле слоў супрацоўнікаў Аmеrісаn Аіrlіnеs, такія вялікія музычныя інструменты не дазваляецца правозіць на іх рэйсах, таму што яны могуць прадстаўляць пагрозу для іншых людзей. Пры гэтым Кабоф падкрэсліў, што ў аэрапорце яго віяланчэль праверылі і дазволілі падняцца з ёй на борт. Музыкант таксама прасіў у работнікаў перавозчыка рэмень, каб замацаваць інструмент у крэсле (ён адмыслова аплаціў для яго асобнае месца). Але яму адмовілі ў гэтым і загадалі пакінуць самалёт. Кабоф заявіў, што не менш за 40 разоў за апошнія тры гады лятаў рэйсамі Аmеrісаn Аіrlіnеs з віяланчэллю, і за гэты час да яго не ўзнікала ніякіх прэтэнзій.
Іван Купарвас
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
