Даследчыкі з Каліфарнійскага ўніверсітэта ў Берклі, ЗША, растлумачылі, чаму шнуркі ў абутку часта развязваюцца на хаду. Вынікі работ фізікаў апублікаваў часопіс Рrосееdіngs оf thе Rоуаl Sосіеtу А.
Для гэтага навукоўцы запісалі на відэа практыкаванне на бегавой дарожцы, якое выканала адна з аўтараў даследавання, Крысцін Грэг. Фізікі высветлілі, што падчас бегу нага ўдараецца аб зямлю з сілай, якая ў сем разоў перавышае сілу цяжару. Гэта прыводзіць да расцяжэння і паслаблення завязанага вузла. Адначасова сіла інерцыі ўздзейнічае на свабодныя канцы шнуркоў, канчаткова іх развязваючы. На думку аўтараў артыкула, разуменне таго, як дынамічныя нагрузкі ўплываюць на вузлы, вельмі важнае, паколькі вузлы сустракаюцца скрозь — ад ДНК да суднаходства і парашутнага спорту. Навукоўцы не ўпершыню знаходзяць тлумачэнне на першы погляд нязначным з'явам. Напрыклад, раней у красавіку амерыканскія і турэцкія генетыкі разабраліся, чаму «совам» цяжка рана заснуць.
Іван КУПАРВАС
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
