28 верасня, панядзелак

Вы тут

На свята ў Віцебск — у спецыяльным поездзе


Беларуская чыгунка на час правядзення фестывалю «Славянскі базар у Віцебску» прызначыла поезд міжрэгіянальных ліній.


Састаў № 644/643 Мінск — Віцебск будзе курсіраваць штодня з Мінска з 11 па 19 ліпеня, а з Віцебска з 12 па 20 ліпеня. Поезд міжрэгіянальных ліній будзе адпраўляцца са станцыі Мінск-Пасажырскі ў 12.47 і прыбываць у Віцебск у 16.32. Госці фестывалю, якія едуць на вячэрнія канцэрты «Славянскага базару», маюць магчымасць да іх пачатку азнаёміцца з мясцінамі горада на Заходняй Дзвіне, акунуцца ў атмасферу свята.

Беларуская чыгунка таксама прадугледзела зручны графік руху ў зваротным кірунку. Паглядзеўшы канцэрт, госці «Славянскага базару» на гэтым жа поездзе змогуць з Віцебска выехаць ноччу ў 1.32 і быць у сталіцы раніцай у 5.17, паведамілі ў прэс-цэнтры магістралі.

Папярэдні продаж білетаў будзе весціся за 60 сутак да адпраўлення састава. Спецыяльны поезд да «Славянскага базару» Беларуская чыгунка прызначае ўжо сёмы год запар. Гэтая паслуга магістралі карыстаецца ўсё большым попытам у пасажыраў.

Сяргей РАСОЛЬКА

rs@zviazda.by

Фота БЕЛТА

Выбар рэдакцыі

Рэлігія

Адноўлены Тураўскі крыж паказалі ў Мінску

Адноўлены Тураўскі крыж паказалі ў Мінску

Вячэрняе набажэнства у саборы прайшло, авеянае дарагімі для ўсіх сімваламі вяртання і адраджэння духоўных традыцый.  

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.