Вы тут

Тавараабарот Беларусі і Эстоніі можа павялічыцца


Такое меркаванне выказаў Баляслаў ПІРШТУК, намеснік старшыні Палаты прадстаўнікоў Нацыянальнага сходу Беларусі, падчас сустрэчы з Валерыем Корбам, кіраўніком групы дружбы Парламента Эстонскай Рэспублікі з Парламентам Беларусі.


«У апошнія гады мы досыць стабільна працуем у гандлёва-эканамічным плане, — адзначыў віцэ-спікер. — Але планку, што мелі раней, на жаль, зараз моцна апусцілі. Тыя 100 мільёнаў долараў тавараабароту, якія маем цяпер, на мой погляд, не наша пазіцыя. Мы маглі б мець значна больш, як мінімум у разы».

Парламентарый прапанаваў заняцца гэтай тэмай больш падрабязна і сумесна адшукаць узаемныя кропкі росту. Адным з варыянтаў выйсця дэпутат назваў развіццё адносін паміж ведамствамі. «Калі будзе інтарэс, мы гатовы арганізаваць адпаведныя профільныя сустрэчы на ўзроўні міністэрстваў», — дадаў ён. На думку Баляслава Пірштука, беларускі бок можа быць цікавы эстонскаму ў энергетычнай сферы, аграпрамысловым комплексе, лёгкай і харчовай прамысловасцях, інфармацыйнай і інавацыйнай сферах, ІТ-тэхналогіях. Ёсць напрацоўкі і ў сферы інвестыцый, але, на думку віцэ-спікера, яны пакуль слаба прадстаўленыя.

Другі блок, па якім плануецца развіваць узаемадзеянне, — сумесная праца ў міжнародных арганізацыях. Беларускі парламентарый нагадаў, што ў гэтым годзе Мінск будзе прымаць летнюю сесію Парламенцкай асамблеі Арганізацыі па бяспецы і супрацоўніцтве ў Еўропе (ПА АБСЕ). «Мы б хацелі больш актыўна ўдзельнічаць і атрымаць статус назіральніка Парламенцкай канферэнцыі Балтыйскага мора. Ваша пазіцыя ў гэтым пытанні можа быць досыць важкай», — адзначыў дэпутат.

Па словах Валерыя Корба, члена камісіі Дзяржаўнага сходу Эстонскай Рэспублікі і кіраўніка групы сяброўства, візіт эстонскай дэлегацыі носіць вітальны характар: парламентарыі прыехалі ў Беларусь, каб пазнаёміцца з прадстаўнікамі новага склікання Палаты прадстаўнікоў, што займаюцца супрацоўніцтвам з іх краінай. Для Эстоніі наладжванне кантактаў з нашай дзяржавай мае вялікае значэнне, бо ў гэтай прыбалтыйскай краіне пражывае шмат нашых суайчыннікаў, якія з'ехалі туды ў 1940—1950-х гадах.

Як падкрэсліў Віктар Міраш, член Пастаяннай камісіі Палаты прадстаўнікоў Нацыянальнага сходу Беларусі па аграрнай палітыцы, кіраўнік працоўнай групы ніжняй палаты беларускага парламента па супрацоўніцтве з парламентам Эстоніі, беларуская дыяспара ў гэтай кране стаіць на трэцім месцы па велічыні пасля расійскай і ўкраінскай. Гэта яшчэ адна значная нагода развіваць больш шчыльна ўсебаковае супрацоўніцтва з эстонскім бокам.

Вераніка ПУСТАВІТ

pustavіt@zvіazda.by

Загаловак у газеце: Прырасці ў разы. Грашова

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.