Вы тут

Устанаўліваецца забарона на вылаў судака


Гэта рыба засяляе ўсе буйныя рэкі Беларусі, многія азёры і вадасховішчы, але ўсюды яна нешматлікая. А зараз сустрэцца з судаком на законных падставах і ўвогуле няма шанцаў: у мэтах аховы віду ў перыяд яго нерасту па 30 мая ў краіне ўстанаўліваецца забарона на вылаў драпежніка.


Фота: perepoloh.lv

Большую частку года судак, як правіла, трымаецца каля дна, а падчас нерасту выходзіць на мелкаводдзе. Нерастуе пры добрым прагрэве вады — прыкладна да 15 градусаў. Пахаладанне здольна расцягнуць гэты працэс на два-тры тыдні і больш, расказалі ў Дзяржінспекцыі.

У рэках судак адкладае ікру на водныя расліны, у іншых вадаёмах — на пясок і камяні. Месцы для нераставання выбіраюць самцы. Яны ж клапоцяцца пра нашчадкаў: абараняюць ікру ад драпежных рыб і засцерагаюць яе ад заілення, змываючы бруд частымі і моцнымі рухамі грудных плаўнікоў. Хуткасць развіцця ікры таксама залежыць ад тэмпературы вады — чым яна ніжэйшая, тым больш часу неабходна. Увесь гэты тэрмін самцы нясуць сваю «вахту» і абсалютна абыякавыя да рыбы, якая сноўдае побач.

Сяргей РАСОЛЬКА

Загаловак у газеце: Судак ідзе на нераст

Выбар рэдакцыі

Грамадства

У зоне рызыкі. Як пажылым людзям засцерагчыся ад СOVІD-19

У зоне рызыкі. Як пажылым людзям засцерагчыся ад СOVІD-19

Найлепшым спосабам прафілактыкі з'яўляецца прышчэпка ад COVІD-19.

Культура

Жэмчуг і пясок. Пяць расчараванняў Максіма Багдановіча

Жэмчуг і пясок. Пяць расчараванняў Максіма Багдановіча

існуе тэорыя, што толькі той, каму выпала перажыць моцныя ўзрушэнні, можа стаць сапраўдным паэтам.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?