Вы тут

Большасць беларусаў працуе ў прамысловасці, гандлі і аўтарамонце


Летась у эканоміцы Беларусі было занята 4 мільёны 413,6 тысячы чалавек (мужчын — 50,3 працэнта, жанчын — 49,7).


Большасць працавала ў прамысловасці — 23,3 працэнта ад усіх работнікаў. У аптовым і рознічным гандлі, рамонце аўтамабіляў і матацыклаў было задзейнічана 14,5 працэнта працуючага насельніцтва, у адукацыі — 10,2, у сельскай, лясной і рыбнай гаспадарках — 9,6, у будаўніцтве  — 7,3, столькі ж у галіне аховы здароўя і аказання сацыяльных паслуг, у транспартнай, паштовай і кур’ерскай дзейнасцях — 6,7.

У мужчын найбольш папулярныя такія сферы работы, як прамысловасць, будаўніцтва, транспарт. Жанчыны ж часцей занятыя ў гандлі, адукацыі, ахове здароўя. Што цікава, адукацыйны ўзровень работніц прыгожага полу вышэйшы. З агульнай колькасці працуючых жанчын 62 працэнты мелі вышэйшую ці сярэднюю спецыяльную адукацыю, у той час як аналагічны паказчык у мужчын — 45 працэнтаў.

Сярэдні ўзрост работнікаў арганізацый склаў 41,5 года. Самымі шматлікімі групамі сярод працоўных застаюцца асобы ва ўзросце 30-39 гадоў і 40-49 гадоў, якія ўжо маюць дастатковую кваліфікацыю, вопыт і пры гэтым валодаюць патэнцыялам для далейшага прафесійнага росту.

Наталля ЛУБНЕЎСКАЯ

lubneuskaya@zviazda.by

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.