У Беларусі з 1 мая вырас бюджэт пражытковага мінімуму і, адпаведна, прапарцыянальна змяніліся аднаразовыя дапамогі пры нараджэнні дзяцей. Гэтыя змены будуць дзейнічаць у перыяд з 1 мая па 31 ліпеня гэтага года.
Памеры БПМ цяпер складаюць:
- у сярэднім на душу насельніцтва — 183 руб. 82 кап.;
- для працаздольнага насельніцтва — 204 руб. 35 кап.;
- для пенсіянераў — 141 руб. 50 кап.;
- для студэнтаў — 178 руб. 66 кап;
- для дзяцей ва ўзросце да трох гадоў — 119 руб. 55 кап.;
- для дзяцей ва ўзросце ад трох да шасці гадоў —163 руб. 83 кап.;
- для дзяцей ва ўзросце ад шасці да васямнаццаці гадоў — 201 руб. 5 кап.
У сувязі са змяненнем БПМ павялічыліся мінімальныя працоўныя і сацыяльныя пенсіі, надбаўкі, павышэнні да пенсій і даплаты асобам ва ўзросце 75 гадоў і вышэй, якія атрымліваюць пенсіі ў органах па працы, занятасці і сацыяльнай абароне, а таксама дапамогі па доглядзе інваліда І групы або асобы, якая дасягнула 80-гадовага ўзросту.
Павялічыліся і дапамогі на дзяцей: пры нараджэнні дзіцяці (першага дзіцяці — 10 БПМ, другога і наступных дзяцей — 14 БПМ); па доглядзе дзіцяці-інваліда ва ўзросце да 18 гадоў (1 БПМ); на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў (0,5 БПМ), на дзяцей старэйшых за 3 гады з асобных катэгорый сем'яў (0,5 БПМ, 0,7 БПМ), на дзяцей ва ўзросце да 18 гадоў, інфіцыраваных вірусам імунадэфіцыту чалавека (0,7 БПМ), а таксама іншыя сацыяльныя выплаты, якія вылічаюцца з памеру БПМ.
Святлана БУСЬКО
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».