Для Аляксандра КАНЮКА, Генеральнага пракурора Рэспублікі Беларусь, візіт у Акадэмію кіравання не ў навіну: ён ужо каля трох гадоў выкладае ў гэтай ВНУ і ведае, чым цікавіцца студэнцкая моладзь. Асаблівасцю сустрэчы стаў фармат — круглы стол, падчас якога абмяркоўваліся перспектывы развіцця пракурорскай дзейнасці ў Беларусі. Ён прайшоў у рамках праекта БРСМ «Адкрыты дыялог».
Аляксандр Канюк адзначыў добрую матывацыю студэнтаў, якая дапамагае працаваць і выкладчыкам. Да таго ж у яго ёсць і асабісты інтарэс: «Шэсць гадоў таму на нашым полі з'явіўся новы гулец — Следчы камітэт. Улічваючы, што пракуратура перадала такую важную функцыю, як следства, паўстала праблема прадметнага выкладання. Калі раней пракуроры актыўна расследавалі крымінальныя справы, то цяпер гэтага няма. Але мы разумеем, што неабходна, каб профільныя дысцыпліны выкладалі практыкі».
Ужо ёсць папярэдняя дамоўленасць рыхтаваць пракурораў у Акадэміі МУС. Дарэчы, цяпер старшакурснікі юрыдычных спецыяльнасцяў могуць пайсці ў Інстытут пазаштатных супрацоўнікаў, створаны пры пракуратуры. Там яны атрымліваюць вопыт, а зацікаўленыя — працоўнае месца.
Надзея АНІСОВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.