На круглым стале на тэму "Роля мясцовага самакіравання ў грамадскім і сацыяльна-эканамічным развіцці рэгіёну і краіны ў цэлым", які адбыўся падчас выставы "СМІ ў Беларусі", міністр інфармацыі Лілія АНАНІЧ адзначыла, што для асвятлення тэмы мясцовага самакіравання не дастаткова адной газеты.
"Гэтая тэма павінна быць у цэнтры ўсіх грамадска-палітычных выданняў. На рускай мове, на беларускай мове, таму што гэтая тэма – усё тое, што звязана з жыццём людзей, – падкрэсліла Лілія Станіславаўна. – І я ўношу такую прапанову: давайце разам знойдзем такую форму, паглядзім на прыкладзе лепшых рэгіёнаў, як працуе наша рэгіянальная прэса, якія ў яе дасягнення. Каб усё працавала эфектыўна, патрэбен глыбокі аналіз і зацікаўленасць. Давайце падзелімся гэтым вопытам, каб сродкі масавай інфармацыі больш эфектыўна ўплывалі на рэалізацыю задач, якія сёння стаяць перад нашымі органамі".
Таксама міністр адзначыла, што для вырашэння канкрэтных праблем людзей існуюць канкрэтныя службы, аднак стаўленне да таго ці іншага пытання праз мясцовую ўладу павінна быць выразным і зразумелым. "Звярнуліся людзі – значыць, павінна быць так праведзена работа, каб чалавек не адчуў, што ён не цікавы", – дадала яна.
Уладзіслаў ЛУКАШЭВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
