Вы тут

III Фестываль «Горад і кнігі» пройдзе 19 і 20 мая ў Мінску


Яго арганізатарамі выступілі Фундаментальная бібліятэка БДУ, Беларуская бібліятэчная асацыяцыя, Навуковая бібліятэка БНТУ і праект “За Чытанне”. У гэтым годзе маштабная акцыя пройдзе пад адкрытым небам ва ўнутраным дворыку БНТУ (галоўны ўваход, праспект Незалежнасці, 65). Пачатак у 13.00.


Фота: bibgymbz.wordpress.com

Фестываль з'яўляецца адной з найбуйнейшых і яркіх кніжных падзей Мінска. Ён стварае прастору для жывых стасункаў аўтараў, выдаўцоў, бібліятэкараў і чытачоў. Наведвальнікі змогуць пазнаёміцца ​​з папулярнымі пісьменнікамі, ілюстратарамі, кніжнымі праектамі і навінкамі, дзейнасцю літаратурных тэатраў і выдавецтваў. Гасцямі фестывалю стануць  пісьменнікі з Расіі Аляксандр Панчын, Анастасія Арлова, Святлана Прудоўская, Марына Аромштам і Наталля Еўдакімава.

Праграма мерапрыемства распрацавана з улікам інтарэсаў рознаўзроставай аўдыторыі. Тут будуць дзейнічаць дзіцячая і маладзёжная пляцоўкі. Дзяцей чакаюць тэатралізаванае чытанне любімых казак, міні-спектаклі, а таксама цікавыя гісторыі пра тое, як ствараюцца кнігі. Ахвотныя змогуць завітаць у зону гучнага чытання. Маладзёжная праграма ўключае сустрэчы з сучаснымі аўтарамі, лекцыі пра актуальныя пытанні папулярнай навукі 2017 года. Трэцякурснік факультэта прыкладной матэматыкі і інфарматыкі БДУ Дзмітрый Быліновіч раскажа пра штучны інтэлект.

На тэрыторыі майстар-класаў усе ахвотныя наведаюць майстэрню ручнога пераплёту, тут можна будзе ўбачыць, як збіраецца кніга, паспрабаваць пісаць сапраўдным пяром і чарнілам, наведаць выставу вокладкі розных гістарычных эпох.

У рамках “Экспертных сустрэч” будзе арганізаваны Нацыянальны дзень інфармавання пра дзейнасць бібліятэк. Чакаецца выступленне экспертаў з Беларусі, Ірландыі, Германіі і Украіны. Яны абмяркуюць пытанні, якія тычацца міжнароднага супрацоўніцтва бібліятэк, адукацыйных праграм для дзяцей ва ўніверсітэтах і іншыя. Таксама на выставачнай пляцоўцы фестывалю будзе працаваць павільён “Універсітэцкія бібліятэкі прадстаўляюць”. Тут супрацоўнікі Фундаментальнай бібліятэкі БДУ раскажуць аб бібліятэчных рэсурсах і сэрвісах, а ўпраўленне выхаваўчай працы з моладдзю прадставіць студэнцкія праекты і мерапрыемствы.

З праграмай фестывалю можна азнаёміцца тут.

Надзея НІКАЛАЕВА

Выбар рэдакцыі

Грамадства

Прыгажосць і трагедыя Краснага Берага

Прыгажосць і трагедыя Краснага Берага

З'ядноўваюцца супрацьлеглыя рэчы: вялікая прыгажосць і вялікі боль...

Грамадства

«Таблетка» шчасця ад мадэлі з Барысава Наталлі Клачко. На пенсіі жыццё не спыняецца

«Таблетка» шчасця ад мадэлі з Барысава Наталлі Клачко. На пенсіі жыццё не спыняецца

На пенсіі жыццё не спыняецца. А вось якім яно будзе — залежыць ад кожнага з нас.

Калейдаскоп

Усходні гараскоп на тыдзень

Усходні гараскоп на тыдзень

ЛЕЎ. У вашым жыцці надыходзіць добры перыяд, можна нават сказаць, новы этап.