Інклюзіўны паказ першай у краіне калекцыі для інвалідаў-калясачнікаў прайшоў сёння ў Нацыянальным аэрапорце Мінск. Дызайнер Кацярына Цікота распрацавала адзенне з улікам асаблівасцяў, патрэб і ладу жыцця гэтай катэгорыі грамадзян. Так, адны толькі штаны маюць 18 адрозненняў ад стандартнай мадэлі.
Сярод ініцыятараў праекта — блогер Аляксандр Аўдзевіч (многім ён вядомы як падарожнік, які праехаў чатыры тысячы кіламетраў на ручным веласіпедзе). Першая партыя была адшыта дзякуючы спонсару — анлайн-рэсурсу па продажы білетаў tikets.by. У далейшым Кацярына Цікота спадзяецца, што знойдзецца зацікаўленае дзяржаўнае прадпрыемства, якое наладзіць выпуск спецыялізаванага адзення. Што да кошту, то ён будзе такім жа, як і на звычайныя штаны і сукенкі ў крамах.
У Беларусі пражывае каля 20 тысяч інвалідаў-калясачнікаў. Каб зразумець, якія рэчы патрэбны ім, на сайце Рэспубліканскай асацыяцыі інвалідаў-калясачнікаў было праведзена апытанне. І ўжо на падставе яго і непасрэдна сустрэч з мэтавай аўдыторыяй распрацоўвалася калекцыя.
Наталля ЛУБНЕЎСКАЯ
Фота Надзеі БУЖАН
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.