Фестываль праводзіцца другі раз. Сёлета заяўкі на ўдзел прыслалі 20 экіпажаў — з Віцебска, Брэста, Баранавічаў, Пінска, Камянца, Ваўкавыска. Прыедуць таксама каманды з Украіны і Расіі.
На працягу двух дзён удзельнікам трэба будзе пераадолець 48 кіламетраў па рацэ Ясельда. Старт спаборніцтваў пройдзе сёння. Адчальваюць ад возера Спораўскае ў Бярозаўскім раёне і фінішуюць у аграгарадку Моталь Іванаўскага раёна. У заплыве ўдзельнічаюць байдаркі-адзіночкі, змешаныя і мужчынскія экіпажы. Увечары ў аграгарадку раскінуць палатачны лагер. Будзе арганізаваны конкурс турысцкай песні, спаборніцтвы па дартсе.
У нядзелю каманды чакае наступнае выпрабаванне: праплысці па Ясельдзе ад Моталя да вёскі Буса, развярнуцца і веславаць супраць цячэння ў зваротным кірунку. А для гледачоў падрыхтавана спартыўна-культурная праграма. Ім прапануюць згуляць у пляжны валейбол, міні-футбол, паказаць сябе ў мастацкім кіраванні байдаркай і веласіпедам, паслухаць выступленні творчых калектываў.
Пераможцаў і прызёраў рэгаты вызначаць па суме вынікаў двух дзён. Арганізатары фестывалю — Іванаўскі райвыканкам, эколага-краязнаўчае грамадскае аб'яднанне «Ясельда» і ўпраўленне спорту і турызму Брэсцкага аблвыканкама.
Наталля ЛУБНЕЎСКАЯ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
