Вы тут

У мястэчку Гальшаны ўрачыста адкрылі новую амбулаторыю


Тут будуць абслугоўвацца жыхары каля 55 населеных пунктаў, дзе жыве больш як 3 тысячы чалавек. Сімвалічна, што падчас цырымоніі адкрыцця ў небе над аграгарадком лунала мноства буслоў.


Намеснік старшыні Гродзенскага абласнога выканаўчага камітэта Віктар ЛІСКОВІЧ падчас адкрыцця новай амбулаторыі падкрэсліў:

— Старажытнае мястэчка Гальшаны знаёмае і цікавае для многіх турыстаў. І сёння амбулаторыя дадасць новых рыс да вобліку аграгарадка. На будаўніцтва амбулаторыі дзяржавай было вылучана больш як 1,5 мільёна рублёў, і гэтая ўстанова дасць магчымасць жыхарам і гасцям мястэчка своечасова атрымліваць медыцынскую дапамогу.

Тут працуе стаматалагічны кабінет, абсталяваны найноўшай тэхнікай (такой няма нават у абласным цэнтры), жаночая кансультацыя, вядзе прыём урач-тэрапеўт, таксама ў асобным крыле размешчаная аптэка. Адметна, што ўсё абсталяванне амбулаторыі — ад крэслаў і да сістэмы відэаназірання — абсалютна новае. А яе будаўніцтва заняло ўсяго год — усе работы вяліся кампаніяй «Будаўнік» пры фінансавай падтрымцы Гродзенскага аблвыканкама. Таксама амбулаторыя атрымала ў падарунак ад аблвыканкама новы аўтамабіль, які дапаможа ў працы медыкаў.

Старшыня Ашмянскага райвыканкама Міраслаў САРАСЕК адзначыў:

— Сёння знакавы і памятны дзень, бо мы адкрываем цалкам новы аб'ект. Я нават і не згадаю, які з будынкаў мы здавалі новым, а не рэканструяваным. Таксама гэтая падзея сведчыць пра клопат дзяржавы аб будучыні аграгарадкоў: я цалкам упэўнены, што новая амбулаторыя значна палепшыць якасць абслугоўвання і камфортнасць пражывання ўсіх жыхароў і гасцей Гальшанаў.

Загаловак у газеце: А ў небе луналі буслы...

Выбар рэдакцыі

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».

Грамадства

Як у Гомелі настаўнікі выхоўваюць юных патрыётаў

Як у Гомелі настаўнікі выхоўваюць юных патрыётаў

Кіраўнікі па ваенна-патрыятычным выхаванні, якія з гэтага навучальнага года з'явіліся ў школах краіны, — значная дапамога педагагічнаму кал

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.