Жыхар Камянецкага раёна атрымаў два гады пазбаўлення волі за незаконнае паляванне на аленя.
33-гадовы вясковец паставіў петлі на жывёлу ў Бялянскім лясніцтве нацыянальнага парку «Белавежская пушча». У студзені ў пятлю папалася самка аленя. Тушу браканьер разабраў на месцы, але быў заўважаны супрацоўнікамі нацпарку.
У красавіку суд Камянецкага раёна вызначыў меру пакарання ў выглядзе двух гадоў калоніі агульнага рэжыму. З яго спагнана ў якасці кампенсацыі шкоды, нанесенай прыродзе, 6900 рублёў, а таксама 100 базавых велічынь штрафу.
Фігурант крымінальнай справы абскардзіў прыгавор. Але Брэсцкі абласны суд пакінуў рашэнне суда першай інстанцыі без змены.
Святлана ЯСКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
