Вы тут

МАЗ не перастае здзіўляць новымі распрацоўкамі


Гэтым разам аўтазавод выпусціў аўтапад'ёмнік АГП-40-К, здольны падняць трох чалавек з абсталяваннем агульнай вагой да 350 кг на вышыню да 40 метраў (12 паверхаў). Пры гэтым машыну смела можна назваць пазадарожнікам таму, што яна паўнапрывадная. Гэта дазваляе выкарыстоўваць яе ў любой мясцовасці.


Як адзначылі ў прэс-службе прадпрыемства, машына можа абслугоўваць розныя вышынныя аб'екты: будынкі, збудаванні, ветраўстаноўкі, ліній электраперадач, апоры мачтаў асвятлення і сотавай сувязі. Акрамя таго, аўтапад'ёмнік спатрэбіцца нафтагазавай галіне для абслугоўвання і рамонту буравых установак. Яшчэ адна асаблівасць машыны — магчымасць работы ўздоўж адвеснай сцяны без змены нахілу стралы, толькі за кошт вертыкальнага выстаўлення секцый апорнай калоны. Пад'ёмнікам можна кіраваць з двух месцаў: першы пульт размешчаны ў самой калысцы, другі — на непаваротнай платформе. Сістэма блакавання і бяспекі гарантуе работу абсталявання пад'ёмніка і ахоўвае ад непрадуманых дзеянняў пры кіраванні. Акрамя таго, яна папярэджвае пра набліжэнне да крытычных параметраў і нават рэагуе на патэнцыйныя рызыкі.

Пазадарожны аўтапад'ёмнік дазволіць Мінскаму аўтазаводу пашырыць сваю прысутнасць на рынку спецтэхнікі. Як адзначылі прадстаўнікі МАЗ, зараз у краінах СНД сур'ёзных канкурэнтаў для АГП-40-К няма. Машыну плануецца пастаўляць у Расію і іншыя краіны СНД. Акрамя таго, яна можа быць запатрабавана і ў Беларусі.

Ілья КРЫЖЭВІЧ

Krуzhеvісh@zvіаzdа.bу

Загаловак у газеце: Джып па-беларуску

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.