У Брэсце прайшоў семінар-вучоба для старшынь сельскіх і раённых Саветаў. Мерапрыемства праводзілася ў рэжыме відэаканферэнцыі. Але да яго прымеркавалі падвядзенне вынікаў абласнога спаборніцтва за мінулы год і пераможцаў запрасілі на семінар, каб адзначыць іх заслужанымі ўзнагародамі ва ўрачыстай абстаноўцы.
Граматы і грашовыя прэміі старшыня абласнога Савета Сяргей АШМЯНЦАЎ уручыў старастам: Таісе Чапайла з вёскі Падкраічы Бярозаўскага раёна — за першае месца (пра работу Таісы Васілеўны расказвалася ў нумары «МС» за 24 мая гэтага года), Аляксандру Журбілу з Пінкавічаў Пінскага раёна і Мікалаю Акаронку з Хомска Драгічынскага раёна, якія раздзялілі другое месца, а таксама Васілю Масляку з вёскі Махро Іванаўскага раёна і Надзеі Чарнак з Альхоўкі Кобрынскага раёна — за трэцяе.
Самымі ініцыятыўнымі старшынямі дамавых камітэтаў па выніках мінулага года прызнаныя: пінчанка Наталля Качаноўская, Сяргей Барушка з Кобрына і Валянціна Серада з аграгарадка Белавежскі Камянецкага раёна.
Падведзены вынікі спаборніцтва сельскіх Саветаў у справе вырашэння пытанняў жыццезабеспячэння насельніцтва. Першае месца прысуджана Целяханскаму Савету Івацэвіцкага раёна, другое раздзялілі Белавушскі Столінскага і Пескаўскі Бярозаўскага раёнаў, трэцімі сталі Дварэцкі на Лунінеччыне і Раснянскі Камянецкага раёна.
Святлана ЯСКЕВІЧ
Існуюць строгія патрабаванні да месцаў для купання.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
