У турніры па міні-футболе прынялі ўдзел 28 аматарскіх каманд, а пераможцам стала карпаратыўная зборная кампаніі «Хёндэ АўтаГрад».
Турнір арганізавала камунікацыйная кампанія GBS пры падтрымцы Асацыяцыі «Беларуская федэрацыя футбола». На працягу месяца ў турніры адбыліся 100 матчаў, было забіта 700 галоў, у гульнях прынялі ўдзел больш за 500 гульцоў. Гульні праходзілі на штучных палях Беларускай федэрацыі футбола з прафесійным судзействам, матчы абслугоўвалі 14 арбітраў, якія судзяць матчы вышэйшай і першай лігаў Чэмпіянату Беларусі па футболе.
«Чатыры гады таму мы знялі спартзалу і сфарміравалі каманду. Паступова наша захапленне набірала абароты, і цяпер мы паказваем выдатныя вынікі. Акрамя футбола, работнікі кампаніі займаюцца плаваннем, мы любім актыўны лад жыцця», — падзяліўся ўражаннямі дырэктар кампаніі «Хёндэ АўтаГрад» Аляксандр Філістовіч. Пераможцы атрымалі ў падарунак шасцікілаграмовы шкляны Кубак ручной работы, СПА-адпачынак і экскурсію па Менску на аўтобусе Minsk City Tour.
Мячы, якімі ўдзельнікі турніра гулялі ў групавым этапе і этапе плэй-оф, былі перададзены выхаванцам дзіцячага дома-інтэрната №5 г. Мінска — пераможцам штогадовага рэспубліканскага турніру, які праводзіцца Беларускай федэрацыяй футбола па міні-футболе сярод каманд дзіцячых дамоў, школ-інтэрнатаў, дзіцячых вёсак і кадэцкіх вучылішчаў «Футбол — твой сябар назаўжды!».
Святлана БАРЫСЕНКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.