Вы тут

Жыхар Мінска задэклараваў самы вялікі даход


За мінулы год адзін жыхар Мінска задэклараваў самы вялікі даход, які склаў 27,9 млн рублёў, або амаль 14 мільёнаў долараў. Аб гэтым паведаміла намеснік начальніка — начальнік упраўлення падаткаабкладання арганізацый інспекцыі па падатках і зборах горада Мінска Вольга Кішко.


А заплаціў найбольшую суму падаходнага падатку за мінулы год (2,7 млн рублёў) другі жыхар Мінска, які задэклараваў даход у памеры 21,4 млн рублёў. У асноўным дэкларацыі прадстаўляліся ў сувязі з атрыманнем даходаў за мяжой (ці з-за мяжы) і ад продажу ўласнай маёмасці. Усяго падатковыя дэкларацыі па падаходным падатку з фізічных асоб у бягучым годзе падалі каля 11 тысяч мінчан. Грамадзянам прад'яўлена да выплаты больш за 26 млн рублёў.

Ужо традыцыйна ў пачатку года стартуе дэкларацыйная кампанія. Падаткаабкладанню падлягаюць даходы, атрыманыя за мяжой, ад продажу на працягу каляндарнага года двух і больш легкавых аўтамабіляў, ад продажу на працягу пяці гадоў больш аднаго аб'екта нерухомасці або зямельнага ўчастка (у гэтую катэгорыю не ўваходзіць маёмасць, якая адчужаецца і атрымана па спадчыне) і інш.

Сяргей КУРКАЧ

kurkасh@zvіаzdа.bу

Загаловак у газеце: Зарабіць амаль 14 млн USD за год

Выбар рэдакцыі

Грамадства

Выбіраем аптымальную пару года для пахудзення. Спойлер: і гэта не лета!

Выбіраем аптымальную пару года для пахудзення. Спойлер: і гэта не лета!

Жыццё ў «эпоху спажывання» — сур’ёзнае выпрабаванне для чалавека.

Эканоміка

Нашы фінансы павінны прыносіць даход. Які? Вось у чым пытанне

Нашы фінансы павінны прыносіць даход. Які? Вось у чым пытанне

Адукаваныя людзі загадзя плануюць свой паток фінансаў, размяркоўваючы іх па перспектыўных напрамках, тым самым забяспечваючы сабе нябеднае жыццё.

Культура

Мінск 1941. Як гэта было

Мінск 1941. Як гэта было

Неба пачарнела ад самалётаў.