Вы тут

«Чыжоўка-Арэна» прыме міжнародны турнір «Кубак Мінска»


З 26 па 29 ліпеня «Чыжоўка-Арэна» прыме міжнародны турнір з удзелам камандаў КХЛ «Кубак Мінска».

У новых спаборніцтвах возьмуць удзел шэсць камандаў — прадстаўнікі трох краін. Ад Беларусі на турніры выступяць адразу два клубы — «Юнацтва-Мінск», які, дарэчы, і з'яўляецца стваральнікам і арганізатарам «Кубка Мінска», і сталічнае «Дынама» — адзіны беларускі прадстаўнік у Кантынентальнай хакейнай лізе, які ў падрабязным прадстаўленні не мае патрэбы.


Каманда Міхаіла Захарава настроена на сур'ёзную барацьбу. Гульцы самага тытулаванага клуба беларускай экстралігі, сяміразовага чэмпіёна краіны і пераможцы Кантынентальнага кубка, з дапамогай гэтага турніру мяркуюць не толькі падрыхтавацца да будучага сезона, але і ўжо непасрэдна да яго пачатку паказаць высокі вынік.

— Гэты турнір вельмі важны ў рамках перадсезоннай падрыхтоўкі. Хацелася б, каб усё атрымалася і з арганізацыйнага боку, і «Кубак Мінска» стаў традыцыйным, — адзначыў генеральны дырэктар хакейнага клуба «Юнацтва-Мінск» Аляксей Пракаповіч.

Акрамя прадстаўнікоў айчыннага хакея, у беларускіх аматараў спорту будзе магчымасць убачыць топавыя клубы Кантынентальнай хакейнай лігі. У Мінск прыедзе неаднаразовы ўладальнік Кубка Гагарына «Дынама-Масква», трохразовы чэмпіён Расіі яраслаўскі «Лакаматыў», а таксама «Югра» з Ханты-Мансійска і «Дынама» з Рыгі на чале з новым галоўным трэнерам — легендай латвійскага хакея Сандзісам Озаліншам.

Усе каманды плануюць прыбыць у Мінск пашыраным складам, а хто канкрэтна будзе выходзіць на лёд, убачым ужо па ходзе гульняў.

— Аналагаў падобнага турніру па прадстаўніцтве на постсавецкай прасторы сёння не існуе, — заявіў спартыўны дырэктар мінскага «Юнацтва» Аляксей Торбін.

Кошт білетаў на гульні «Кубка Мінска» складае ад 1 да 10 рублёў, арганізатары спадзяюцца, што, нягледзячы на адпускную пару і нетыповы для хакея час, трыбуны «Чыжоўка-Арэны», якія прывыклі да аншлага, будуць запаўняцца паспяхова.

Шасцёрка ўдзельнікаў будзе падзелена на дзве групы па тры каманды, пасля аднакругавога міні-турніру пройдуць стыкавыя матчы за выніковыя пазіцыі.

Расклад матчаў:

Група А: «Юнацтва-Мінск», «Дынама-Мінск», «Дынама-Масква». Група В: «Югра», «Лакаматыў», «Дынама-Рыга».

26 ліпеня

«Лакаматыў» — «Дынама-Рыга» (15.00).

«Дынама-Мінск» — «Дынама-Масква» (19.00).

27 ліпеня

«Юнацтва-Мінск» — «Дынама-Мінск» (15.00).

«Югра» — «Лакаматыў» (19.00).

28 ліпеня

«Дынама-Рыга» — «Югра» (15.00).

«Юнацтва-Мінск» — «Дынама-Масква» (19.00).

29 ліпеня

Матч за пятае месца (11.30).

Матч за трэцяе месца (15.30).

Фінал (19.30).

Дар'я ЛАБАЖЭВІЧ

lobazhevich@zviazda.by

Загаловак у газеце: Хакей летам будзе якасны

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».