Глабальны адукацыйны Форум «FІSU Volunteer Leaders Academy 2017» прайшоў у Казані. Гэта ўнікальны праект, ініцыяваны спартыўнай валанцёрскай супольнасцю на XІІІ Форуме Міжнароднай федэрацыі студэнцкага спорту (FІSU) у г. Манпелье (Францыя). У сталіцу Татарстана з'ехаліся лідары валанцёрскага руху з 91 краіны, якія з'яўляюцца членамі FІSU, у тым ліку з Беларусі.
Праграма форуму ўключала лекцыі, семінары, трэнінгі, круглыя сталы і дыскусіі. У якасці спікераў былі запрошаны прадстаўнікі Міжнароднай федэрацыі студэнцкага спорту, Міжнароднага алімпійскага камітэта, Сусветнага антыдопінгавага агенцтва, выкладчыкі Маскоўскага дзяржаўнага інстытута міжнародных адносін, адукацыйнага цэнтра EF Educatіon Fіrst і вядомыя спартсмены.
Беларусь на форуме прадстаўляла Дар'я Трыгубава, выкладчык Мінскага дзяржаўнага лінгвістычнага ўніверсітэта, якая займаецца валанцёрскай дзейнасцю з 2012 года. Яна ўдзельнічала ўжо ў 15 міжнародных спартыўных мерапрыемствах як цімхост — суправаджальны перакладчык. Сваё выступленне дзяўчына прысвяціла таму, як вопыт суправаджэння спартыўных камандаў спрыяе прафесійнаму і асобаснаму росту, фарміруе лідарскія якасці, дазваляе пазнаёміцца з вялікай колькасцю цікавых людзей.
Набыты ў Казані вопыт можа быць паспяхова выкарыстаны ў Беларусі пры падрыхтоўцы валанцёраў да Другіх Еўрапейскіх гульняў 2019 года і чэмпіянату свету па хакеі 2021 года.
Надзея НІКАЛАЕВА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.