Вы тут

Беларусь прадставіла даклад па дасягненні Мэт устойлівага развіцця


Там, у Нью-Ёрку, прайшла агульная дыскусія міністэрскага сегмента палітычнага форуму высокага ўзроўню па ўстойлівым развіцці. Падчас яе нацыянальны каардынатар па дасягненні Мэт устойлівага развіцця ў Беларусі, намеснік старшыні Савета Рэспублікі Нацыянальнага сходу Беларусі Мар'яна ШЧОТКІНА прадставіла даклад нашай краіны.


Тэматыка сёлетняга форуму акрэслена як «Выкараненне галечы і садзейнічанне росквіту ў свеце, які змяняецца». Кіраўнік беларускай дэлегацыі адзначыла меры, якія ўжо прыняты ў Беларусі для рэалізацыі мэт да 2030 года, а таксама нашы найбліжэйшыя планы. Адзін з намераў — выбудаваць цеснае ўзаемадзеянне паміж заканадаўчай і выканаўчай уладамі дзеля дасягнення Мэт устойлівага развіцця. З гэтай жа нагоды будзе выкарастаны механізм парламенцкіх слуханняў і нацыянальных кансультацый з удзелам шырокага кола партнёраў, у тым ліку грамадзянскай супольнасці.

Мар'яна Шчоткіна адзначыла заснаванне Прэзідэнтам Беларусі паста нацыянальнага каардынатара па дасягненні Мэт устойлівага развіцця, а таксама стварэнне нацыянальнага савета па ўстойлівым развіцці на ўзроўні кіраўніцтва профільных органаў дзяржаўнага кіравання і рэгіёнаў краіны. Акрамя гэтага, яна звярнула ўвагу на праблемы дзяржаў з сярэднім узроўнем даходу. «Як краіна з сярэднім узроўнем даходу, Беларусь выступае за больш скаардынаваную падтрымку намаганняў у галіне развіцця гэтай катэгорыі краін, — адзначыла Мар'яна Шчоткіна. — Прапануем прыняць асобны план дзеянняў ААН па працы з краінамі з сярэднім прыбыткам па прыкладзе аналагічных планаў для іншых катэгорый дзяржаў, якія развіваюцца, а таксама распрацаваць крытэрыі, якія выходзяць за рамкі толькі даходу на душу насельніцтва».

Да таго ж віцэ-спікер Савета Рэспублікі звярнула ўвагу на інтэграцыйныя аб'яднанні. У гэтым кірунку важную ролю выконваюць рэгіянальныя структуры, якія звязваюць дзейнасць на глабальным і нацыянальным узроўнях. Яна нагадала пра ідэю інтэграцыі інтэграцый, а таксама прапанавала выкарыстоўваць пляцоўку Еўрапейскай эканамічнай камісіі ААН для абмеркавання шляхоў узаемадзеяння паміж інтэграцыйнымі аб'яднаннямі.

Таксама Мар'яна Шчоткіна сустрэлася з першым намеснікам Генеральнага сакратара ААН Амінай Махамед, якая высока ацаніла дзейнасць Беларусі па дасягненні мэт устойлівага развіцця.

Надзея АНІСОВІЧ

аnіsоvісh@zvіаzdа.bу

Загаловак у газеце: Крокі да агульнай мэты

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.