Жнівень традыцыйна радуе цвіценнем адной з самых арыстакратычных кветак — гладыёлуса. Гэтая расліна мае дзіўную гісторыю. Каля 300 года да нашай эры клубні гладыёлусаў ўжывалі ў ежу, запякалі іх ці выкарыстоўваючы ў якасці асновы для праснакоў. Ўжо ў I стагоддзі нашай эры гладыёлусы згадваюцца Плініем у сувязі з іх нібыта магічнай сілай, якая засцерагае воінаў ад гібелі і прыносіць перамогу. У якасці амулету воіны насілі цыбулінкі гладыёлусу на шыі.
Лацінская назва расліны паходзіць ад gladius - "меч" і звязана з яе формай: лісце гладыёлуса па форме чымсьці нагадвае шпагі. Яго радзіма — трапічныя і субтрапічныя раёны Афрыкі, Міжземнамор'я, Сярэдняя Еўропа, Заходняя Сібір, Сярэдняя Азія.
Дэкаратыўная калекцыя гладыёлусаў Цэнтральнага батанічнага батанічнага саду налічвае зараз каля 900 сартоў. З 18 па 20 жніўня ў экспазіцыі будуць прадстаўлены каля 100 сартоў гладыёлусаў з розных садовых класаў. На выставе можна будзе пабачыць як навінкі селекцыі, так і добра вядомыя, правераныя часам сарты.
У рамках выставы можна будзе не толькі палюбавацца найбагацейшым светам гладыёлусаў, але і атрымаць прафесійную кансультацыю па іх агратэхніцы ад навуковых супрацоўнікаў батанічнага саду.
Надзея НІКАЛАЕВА
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
