Вы тут

Хто стане талісманам Еўрапейскіх гульняў — 2019?


Конкурс, абвешчаны ў ліпені, працягваецца, для ўдзелу патрэбна ідэя, малюнак і імя меркаванага талісмана. У ахвотных перамагчы ёсць яшчэ два месяцы.


Беларусь прымала ўжо дзясяткі буйных міжнародных спартыўных турніраў, каб патэнцыйным удзельнікам конкурсу было лягчэй сфарміраваць свае ідэі, успомнім, якія талісманы суправаджалі спаборніцтвы ў нашай краіне.

1. Чэмпіянат свету па хакеі 2014 года. Гэта падзея стала адной з самых маштабных сярод спартыўных мерапрыемстваў, якія калісьці праводзіліся ў краіне. Свята разгарнулася не толькі на дзвюх лядовых арэнах, якія прымалі непасрэдна спаборніцкую частку, але і па ўсім Мінску. А натхняльнікам і галоўным завадатарам стаў талісман — зубр па імені Волат.

2. Чэмпіянат Еўропы па біятлоне 2004 года. Спаборніцтвы прымалі Раўбічы, у іх удзельнічалі, як дарослыя спартсмены, так і юніёры. Талісманам турніру выступіла ваверчаня Пулька.

3. Чэмпіянат Еўропы па канькабежным спорце 2016 года. Гэты турнір стаў 110-м па ліку, яго прыняў каток спарткомплексу «Мінск-Арэна». Сваё лідарства ў Еўропе пацвердзілі галандцы Свен Крамер і Ірэн Вюст, якія сталі чэмпіёнамі і гэтым разам. Беларуская каманда выступіла на гэтым турніры не так паспяхова, а талісманам тады быў Снегавік.

4. «Гонка легендаў». Біятлонны фестываль пад кіраўніцтвам Дар'і Домрачавай, які на працягу некалькіх гадоў радаваў не толькі беларускіх аматараў біятлона, але і сусветных. У Раўбічах заўсёды збіраліся зоркі гэтага віду спорту, а талісманам свята быў усмешлівы Заяц. Дарэчы, сёлета біятлоннага фестывалю не будзе, бо сезон алімпійскі і спартсмены, у тым ліку і Дар'я, узмоцнена рыхтуюцца да галоўнага старту чатырохгоддзя.

Вось як, напрыклад, маглі б выглядаць талісманы да«Еўрапейскіх гульняў — 2019». Варыянтаў многа. Прапануйце свае.

Дар'я ЛАБАЖЭВІЧ

lobazhevich@zviazda.by

Загаловак у газеце: Зубр, Бульбачка, Бусел ці Васілёк

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.