Вы тут

Памятны знак «Беларусам замежжа» ўрачыста адкрылі ў Траецкім прадмесці


Пра сімвалізм кола ў культуры беларусаў можна разважаць бясконца. Гэта і знак сонца, бясконцасці жыцця, руху наперад. Суаднесены з карагодам — еднасці і супольнай справы. А ручнік, што яго абвівае, здаўна лічыўся сімвалам шляху, агульнай дарогі. Хай нашы суайчыннікі праз розныя абставіны апынуліся за мяжой, гэты знак нібыта кажа: мы разам.


Выступае мі­ністр куль­ту­ры Ба­рыс СВЯТ­ЛОЎ.

— Памятны знак «Беларусам замежжа» сімвалізуе рух наперад да ўмацавання незалежнасці Беларусі, — падкрэсліў падчас урачыстай цырымоніі адкрыцця кампазіцыі міністр замежных спраў Уладзімір МАКЕЙ, піша БЕЛТА. — Ён таксама сімвалізуе нялёгкі шлях дочак і сыноў Беларусі, якія жывць у розных кутках свету, але захавалі любоў да Радзімы.

Адметна, што адкрыццё гэтай кампазіцыі адбылося менавіта сёлета, калі ўся краіна адзначае 500-годдзе беларускага кнігадрукавання. Можна заўважыць пэўную паралель з вобразам нашага асветніка Францыска Скарыны, які працаваў у розных краінах, але сваёй справай заўжды быў адданы роднай зямлі і народу. Аўтары скульптар Аляксандр Фінскі і архітэктар Армен Сардараў звярнулі ўвагу на адметнасць выбранага месца для ўстаноўкі помніка. Знак «Беларусам замежжа» з'явіўся на беразе Свіслачы, у гістарычнай частцы сталіцы, дзе пачыналася жыццё горада.

Гэтае скрыжаванне часоў, эпох і народаў можа стаць і сімвалам міжкультурнага дыялогу, падкрэсліў міністр культуры Барыс СВЯТЛОЎ. А кіраўнік арганізацыі «Беларусы Масквы», кандыдат гістарычных навук Аксана СОЛАПАВА заўважыла, што Беларусь сёння з'яўляецца адзінай дзяржавай, дзе ўстаноўлены падобны знак. Таму вельмі важна, каб дыялог паміж Беларуссю і нашай дыяспарай за мяжой развіваўся і пашыраўся на розныя сферы.

Бронзавае кола, дыяметрам тры метры, што стаіць на гранітным падмурку, станецца выдатным упрыгожаннем Траецкага і, думаецца, не застанецца па-за ўвагай шматлікіх турыстаў.

Учора таксама адбылося 3-е пасяджэнне Кансультатыўнага савета па справах беларусаў замежжа пры МЗС. Падрабязней пра гэта — у наступным нумары.

Марына ВЕСЯЛУХА

vesіaluha@zvіazda.by

Фота БЕЛТА

Загаловак у газеце: Сімвал еднасці і супольнай справы

Выбар рэдакцыі

Грамадства

Сёння пачаў работу УНС у новым статусе

Сёння пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.