Навукоўцы-фізікі Гомельскага дзяржаўнага універсітэта імя Ф.Скарыны распрацавалі унікальны нанаматэрыял для выкарыстання ў электроннай прамысловасці, паведаміў рэктар ВНУ Сяргей Хахомаў.
Вынаходніцтва "Золь-гель спосаб фарміравання сегнетаэлектрычнай аксіднай плёнкі" ўяўляе сабой кандэнсатарны мікраслой, які можа ўжывацца пры вырабе энерганезалежных запамінальных прылад. Гаворка ідзе пра носьбіты інфармацыі, прызначаныя для запісу і захоўвання дадзеных: магнітныя дыскі, флэш-карты, SIM-карты і г.д. "Выкарыстанне мікраслоя забяспечыць устойлівасць запамінальнай прылады да ўздзеяння электрамагнітнага і радыяцыйнага выпраменьванняў. Гэта паслужыць надзейнай і доўгатэрміновай абаронай інфармацыі на носьбіце, дазволіць павялічыць яго аб'ём і тэрмін службы", - растлумачыў Сяргей Хахомаў.
Перавага новай тэхналогіі заключаецца ў тым, што яна не патрабуе выкарыстання дарагога абсталявання, дазваляе арганізаваць экалагічна чыстую вытворчасць.
"У краінах СНД на дадзены момант сегнетаэлектрычныя энерганезалежная памяць не вырабляецца, - адзначыў рэктар. - Распрацоўка гомельскіх навукоўцаў накіравана на рашэнне актуальнай задачы стварэння нана- і мікраэлектронікі новага пакалення і можа шырока прымяняцца ў электроннай прамысловасці, а таксама ў машына-і прыборабудаванні".
Дадзенае вынаходства - вынік сумеснай працы ВНУ і ААТ "Інтэграл" - кіруючай кампаніі холдынгу "Інтэграл". Распрацоўка атрымала еўразійскі патэнт, які дзейнічае на тэрыторыі дзяржаў - удзельніц Еўразійскай патэнтнай канвенцыі. У хуткім часе яна будзе ўкаранёная ў вытворчы працэс у ААТ "Інтэграл".
Золь-гель спосаб - тэхналогія, пры якой з вадкасці утвараецца гель, а з яго - аб'ёмны або тонкаплёнкавы матэрыял.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.