Настаўнікі і выкладчыкі ўстаноў адукацыі Наваполацка 22 верасня перасядуць на веласіпеды. Чакаецца, што карысны ва ўсіх сэнсах спосаб перасоўвання падтрымае не адна сотня работнікаў адукацыі.
Такім чынам педагогі вырашылі паказаць сваім вучням і студэнтам, што самі яны ў добрай фізічнай форме, а веласіпеды існуюць не толькі для юнакоў. Акцыя пройдзе ў межах Еўрапейскага тыдня мабільнасці, каб падтрымаць магчымасці менш шкоднага ўзаемадзеяння з навакольным асяроддзем. Іншыя мерапрыемствы тыдня, скіраваныя на моладзь, — Дзень жывой вуліцы, заняткі «Дзеці ў руху», флэшмоб «Горад, зручны для жыцця», конкурс мастацкіх блакнотаў «Транспарт будучыні» і дзіцячай творчасці «Азбука дарог», акцыя «Трамвайны вагон» — прыцягваюць увагу менавіта да тэмы экалагічнага транспарту. На гэту пятніцу запланавана і акцыя «Велаздорава» Полацкага дзяржуніверсітэта, паведамілі ў Наваполацкім гарвыканкаме.
Святлана БАРЫСЕНКА
Напярэдадні прафесійнага свята педагогаў у Нацыянальным прэс-цэнтры абмеркавалі імідж настаўніка, усебаковае развіццё студэнтаў педагагічных ВНУ і новыя праекты.
Укараняюцца інавацыйныя тэхналогіі ў практыку работы дзіцячых садкоў.
Цэны на ліквіднае жыллё ў сталіцы выраслі на 5 працэнтаў.
