Наступствы пажару ў адным з жылых дамоў у Пружанах маглі б быць куды больш сумныя, нават трагічныя, каб не чуйнасць хатняга гадаванца.
У чатырохкватэрным доме па вуліцы Свабоды пажар разбушаваўся а чацвёртай раніцы. Загарэлася ў адной з кватэр, а ў суседняй першы прачнуўся кот і пачаў гучна мяўкаць. Гаспадыня кватэры, маці дваіх малых дзяцей, прачнулася ад кацінага амаль што галашэння, схапіла дзяцей і рынулася на вуліцу, але шлях ім перагарадзіў агонь. Тым часам да дома ўжо пад'ехаў пажарна-выратавальны разлік, байцы якога дапамаглі пакінуць памяшканне маці з дзецьмі. Вынеслі яны з агню і жыльцоў суседняй кватэры: састарэлых бацькоў і іх 48-гадовага сына. Паводзіны апошняга, як высветлілася пазней, і сталі прычынай пажару. У крыві яго было выяўлена 1,8 праміле алкаголю. Мужчына лёг на канапу з непатушанай цыгарэтай і заснуў.
Пабудова значна пацярпела ад агню. І лік ужо ішоў на хвіліны. Паводле сцвярджэння пажарных, менавіта жывёліна дапамагла выратаваць жыцці шасці чалавек. Цікава, што некалькі гадоў таму ў вёсцы Чадзель Пружанскага раёна кот пабудзіў 14-гадовага хлопчыка, які быў адзін у доме, калі там загарэлася. І ўсё скончылася добра.
Святлана ЯСКЕВІЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.