На беразе возера Нарач работнікі Мядзельскай міжрайінспекцыі, знаходзячыся ў начным рэйдзе, знайшлі электрычны кабель пад напружаннем, які тырчаў з зямлі. Да яго быў далучаны белы провад, другі канец якога сыходзіў у ваду.
Неўзабаве з лесу да месца з кабелем выйшаў мужчына ў рыбалоўным касцюме і пайшоў уздоўж проваду. Парушальніка затрымалі, гэта быў мясцовы жыхар. Ён сцвярджаў, што рыбачыў пры дапамозе венцераў, якія, між іншым, таксама забаронены. Ці мае дачыненне грамадзянін да здабычы рыбы электратокам, установяць эксперты. А дзяржінспектары каля ўстаноўленага проваду знайшлі і дасталі з вады восем загінулых асобін вугра і двух лінёў агульнай вагой 10 кілаграмаў. Нанесеная прыродзе шкода ацэнена ў 20 700 рублёў. Заведзена крымінальная справа, падазраваны змешчаны пад варту.
Сяргей РАСОЛЬКА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
