Лукашэнка павіншаваў калектыў тэлерадыёкампаніі «Мір» з 25-годдзем

Прэзідэнт Беларусі Аляксандр Лукашэнка павіншаваў калектыў тэлерадыёкампаніі «Мір» з 25-годдзем.

Кіраўнік дзяржавы адзначыў, што тэлерадыёкампанія «Мір» з'яўляецца маштабным медыяпраектам, які адказвае духу часу. ТРК «Мір» аб'ядноўвае таленавітых, ініцыятыўных прафесіяналаў, якія любяць сваю справу і шануюць лепшыя традыцыі і высокія стандарты журналістыкі. «Асвятляючы ўсе грані грамадска-палітычнага, эканамічнага, культурнага і спартыўнага жыцця Садружнасці, вы ўносіце значны ўклад ва ўмацаванне дружбы і ўзаемнага даверу паміж нашымі народамі», — гаворыцца ў віншаванні.

Беларускі лідар падкрэсліў, што за мінулую чвэрць стагоддзя тэлерадыёкампанія набыла адданую шматмільённую і шматнацыянальную аўдыторыю не толькі ў Садружнасці Незалежных Дзяржаў, але і далёка за яе межамі. «Перакананы, «Мір» працягне з годнасцю выконваць сваю важную місію — збліжаць людзей, фарміраваць іх светапогляд, аб'ектыўна і справядліва ацэньваючы падзеі, што адбываюцца».

Аляксандр Лукашэнка пажадаў калектыву тэлерадыёкампаніі моцнага здароўя, натхнення і новых здзяйсненняў.