Вы тут

Акцыя «Чысты лес» прайшла ў Беларусі


Удзел у ёй узяло каля 30 тысяч чалавек.


Гэты год выдаўся вельмі багаты на ўраджай грыбоў. Тысячы людзей выбраліся ў лясы на "ціхае паляванне" і проста на адпачынак. Але, на жаль, масавае паломніцтва на прыроду суправаджаецца нязменна і пакінутым пасля сябе смеццем. Якое, аднак, камусьці прыбраць трэба. Сваю лепту ўносіць і надвор'е — моцныя вятры вырываюць не адну сотню галін з дрэў. Менавіта таму Міністэрства лясной гаспадаркі абвясціла ўжо традыцыйную акцыю "Чысты лес", падчас якой сотні людзей выходзяць на расчыстку зялёных масіваў.

Адным з цэнтраў акцыі стаў лясны фонд, размешчаны ўздоўж другой МКАД. Там працавалі як цэнтральны апарат Мінлясгаса, так і падведамныя арганізацыі. Яны наводзілі парадак на 200 гектарах тэрыторыі.

— У Рэспубліканскім ландшафтным заказніку "Траскаўшчына" сёлетнія вятры дабавілі работы, — кажа дырэктар Мінскага лясгаса Васіль Дэйчык. — Тут шмат буралому. Побач праходзіць МКАД-2. Але злева і справа яна абгароджана сеткай. Таму заезд адсюль у лес практычна немагчымы. З аднаго боку — менш смецця ад наведвальнікаў, а з іншага — нашай тэхніцы падабрацца сюды складана. Да таго ж і дажджы ідуць ледзь не штодня — паглядзіце, якая тут раскіслая глеба. Таму мы вырашылі буралом проста спаліць па ўсіх правілах пажарнай бяспекі.

Усяго ў акцыі прымала ўдзел каля 30 тысяч чалавек. Асаблівую ўвагу яны ўдзялілі ачыстцы лесу паблізу населеных пунктаў. Акрамя таго, у асобных рэгіёнах краіны займаліся пасадкай дрэваў замест тых, якія не прыжыліся або засохлі.

— Адметна, што людзі сталі апошнім часам значна больш цывілізаваныя. Калі яны пакідаюць лес, то ў большасці сваёй прыбіраюць за сабой смецце, — адзначыў першы намеснік міністра лясной гаспадаркі Аляксандр Кулік.

Валяр'ян ШКЛЕННІК

schklennіk@zvіazda.by

Фота БЕЛТА

Выбар рэдакцыі

Грамадства

Выбіраем аптымальную пару года для пахудзення. Спойлер: і гэта не лета!

Выбіраем аптымальную пару года для пахудзення. Спойлер: і гэта не лета!

Жыццё ў «эпоху спажывання» — сур’ёзнае выпрабаванне для чалавека.

Эканоміка

Нашы фінансы павінны прыносіць даход. Які? Вось у чым пытанне

Нашы фінансы павінны прыносіць даход. Які? Вось у чым пытанне

Адукаваныя людзі загадзя плануюць свой паток фінансаў, размяркоўваючы іх па перспектыўных напрамках, тым самым забяспечваючы сабе нябеднае жыццё.

Культура

Мінск 1941. Як гэта было

Мінск 1941. Як гэта было

Неба пачарнела ад самалётаў.