Дажджліва і ветрана будзе ў нашай краіне ў выхадныя, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Атлантычныя цыклоны, што рухаюцца на поўначы ад нашай краіны, прынеслі дажджы і парывісты вецер. Месцамі ўжо дасягнута месячная норма ападкаў.
Захаваецца моцны парывісты вецер і ў суботу. Не абыдзецца без кароткачасовых дажджоў. Тэмпература паветра ўначы складзе 3—9 цяпла, удзень — ад плюс 6 да плюс 12 градусаў, па паўднёвым захадзе — да 13—15 цяпла.
На большай частцы тэрыторыі чакаюцца дажджы і ўначы ў нядзелю. А ўдзень вільгаці будзе менш і выгляне сонца, але часам не абыдзецца без кароткачасовых дажджоў і парывістага ветру. Уначы — 7—12 цяпла, па паўночным усходзе — каля плюс 5 градусаў. Удзень — ад плюс 10 да плюс 15 градусаў, у паўднёва-заходніх раёнах — да 17 цяпла.
Паводле доўгатэрміновых прагнозаў айчынных спецыялістаў, і ў панядзелак у некаторых раёнах, пераважна па паўночным усходзе, пройдуць невялікія кароткачасовыя дажджы. Тэмпература паветра ўначы складзе 4—9 цяпла, удзень — ад плюс 9 да плюс 15 градусаў. У паўднёва-заходніх раёнах уначы будзе цяплей, тэмпература паветра чакаецца ад плюс 10 да плюс 12 градусаў. Удзень тут будзе ўвогуле камфортна — да плюс 16—18 цяпла. У аўторак у некаторых раёнах, пераважна па паўночным усходзе, пройдуць кароткачасовыя дажджы. Ізноў чакаецца парывісты вецер. Тэмпература паветра ўначы складзе 6—12 цяпла, а ўдзень — плюс 10—16 градусаў, а па поўдні ўвогуле да 17—18 цяпла.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.