Да двух гадоў пазбаўлення волі пагражае 39-гадоваму кіраўніку сельгасфіліяла ў Любанскім раёне за ўнясенне лжывых звестак у афіцыйны дакумент.
Вясной мужчына на службовым аўтамабілі ехаў да сваякоў у Гомельскую вобласць. Там ён парушыў Правілы дарожнага руху, што зарэгістравала камера фотафіксацыі. У адрас філіяла прыйшоў запыт на аплату штрафу. Каб пазбегнуць адказнасці, ён перавёў стрэлкі на свайго вадзіцеля, нібыта за рулём быў той. Пазней кіроўца прызнаўся, што не асмеліўся пярэчыць свайму начальніку, паведамілі ў Любанскім раённым аддзеле ўнутраных спраў.
Пра гэты інцыдэнт даведаліся супрацоўнікі па барацьбе з эканамічнай злачыннасцю. У адносінах да кіраўніка філіяла ўзбудзілі крымінальную справу. Праверка выявіла і іншыя недахопы ў рабоце кіраўніка, што стала падставай для яго звальнення.
Таццяна ЛАЗОЎСКАЯ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.