Кіраўнік дзяржавы азнаёміўся з узорамі параднай формы беларускіх спартсменаў для выступлення на зімовых Алімпійскіх гульнях. Нагадаем, яны пройдуць у карэйскім Пхёнчхане ў лютым 2018 года. Былі прадстаўлены дзве канцэпцыі.
Аўтар першай — дызайнер Людміла Лабкова з канцэрна «Беллегпрам». Яе работа — гэта камплекты набораў мужчынскага і жаночага адзення, выкананыя ў светла-шэрых колерах з акцэнтам на чырвоныя аксесуары — сумкі, абутак, рамяні, гузікі.
Аўтар другой — Юлія Латушкіна, што працавала сумесна са швейным атэлье пры Галоўным гаспадарчым упраўленні Кіраўніцтва справамі Прэзідэнта. Яе мадэлі — больш дзелавыя, выкананыя ў чорных і чырвоных колерах. Дарэчы, менавіта Юлія Латушкіна распрацавала форму нашых алімпійцаў для гульняў у Рыа-дэ-Жанэйра.
Аляксандру Лукашэнку спадабаліся абедзве канцэпцыі, але перавага была аддадзена першай — як больш зручнай для спартсменаў. Тым не менш Прэзідэнт зрабіў распараджэнне аб масавым пашыве абодвух варыянтаў адзення — у хуткім часе касцюмы паступяць ва ўсе буйныя ўнівермагі краіны і стануць даступныя любому ахвотнаму іх набыць.
Надзея ЮШКЕВІЧ
У тэму
Людміла Лабкова, галоўны дызайнер «Беллегпрама»:
— Я ўзяла арнамент, які сімвалізуе маці, — абярэг. І дадала туды элементы, што сімвалізуюць удачу, поспех і ўраджайнасць. Арнаменты ў беларускай культуры маюць вельмі выразнае значэнне.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
