Вы тут

ЮНІСЕФ і «Пріорбанк» запусцілі інавацыйны дабрачынны праект


ЮНІСЕФ і «Пріорбанк» запусцілі інавацыйны дабрачынны праект нацыянальнага маштабу. У найбліжэйшыя тры гады плануецца сабраць каля аднаго мільёна долараў. Стаць часткай глабальнай місіі можа кожны ахвотны.


Чым больш сродкаў удасца сабраць, тым лепш можна будзе рэалізаваць падтрымку сем'яў з дзецьмі — забяспечыць сацыяльнай і медыцынскай дапамогай па месцы жыхарства, стварыць альтэрнатыўныя формы сямейнага ўладкавання дзяцей-сірот, у тым ліку з інваліднасцю і асаблівасцямі псіхафізічнага развіцця, а таксама заняцца прафесійнай арыентацыяй падлеткаў, якія пражываюць у інтэрнатах. Сабраныя грошы плануецца патраціць на адкрыццё дзясяткаў рэсурсных пакояў для дзяцей, падрыхтоўку школ для навучання дзяцей з асаблівасцямі псіхафізічнага развіцця і інваліднасцю, дача апошнім магчымасці ўдзелу ў сацыяльным жыцці і прафесійнай дзейнасці, абсталяванне шэрагу дзіцячых дамоў сямейнага тыпу.

Доктар Рашэд Мустафа САРВАР, прадстаўнік ЮНІСЕФ у Рэспубліцы Беларусь, заўважае, што дабрачыннасць сёння — гэта пра сацыяльную культуру, пра разуменне таго, што дзеці маюць патрэбу не ў разавай дапамозе, а ў пастаяннай увазе. Сёння ў краіне каля 12 тысяч дзяцей жывуць у інтэрнатах рознага тыпу, а значыць, не маюць доступу да клопату сям'і, адпаведных магчымасцяў для рэалізацыі ўласнага патэнцыялу. Тым часам каля 30 тысяч дзяцей з інваліднасцю, частка якіх выхоўваецца ў тых жа інтэрнатных установах, маюць патрэбу ў інклюзіўнай адукацыі, і да гэтага павінны быць гатовыя мясцовыя таварыствы, заўважае рэгіянальны дырэктар ЮНІСЕФ па Еўропе і Цэнтральнай Азіі Афшан ХАН. Яна звяртае ўвагу і на тое, што Беларусі трэба далучацца да той паўсотні краін свету, дзе сёння для вырашэння глабальных задач эфектыўна выкарыстоўваецца карпарацыйнае сацыяльнае партнёрства.

Першым партнёрам праекта стаў найбуйнейшы прыватны банк Беларусі — «Пріорбанк», які з дапамогай перадавых плацежных тэхналогій аб'яднае дзеля добрай справы не толькі прыватных, але і карпарацыйных кліентаў у нацыянальным маштабе. Зрабіць ахвяраванні можна проста і хутка — праз мабільны банк, інтэрнэт-банк і банкаматы. Падрабязнасці на сайтах ЮНІСЕФ (www.unіcef.by/prіor-detі) і «Пріорбанка».

Святлана БАРЫСЕНКА

protas@zviazda.by

Загаловак у газеце: Ад кожнага з нас

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.