Новы дзіцячы сад на 230 месцаў днямі расчыніў дзверы для самых маленькіх жыхароў Стоўбцаў на вуліцы Міра.
У сучаснай дашкольнай установе створаны камфортныя ўмовы для малых. Іх чакаюць прасторныя, светлыя і ўтульныя групавыя памяшканні, трэнажорная, спартыўная і музыкальная залы. Да паслуг дзяцей — фізіятэрапеўтычны і масажны кабінеты, камп'ютарны клас. На першым паверсе, дзе размесцяцца групы, абсталявана падлога з падагрэвам.
Гэта першая ўстанова для маленькіх жыхароў горада, дзе будзе працаваць басейн. Ён аснашчаны спецыяльнай гідраўлічнай сістэмай, якая забяспечвае аўтаматычнае абеззаражванне вады.
На спартыўнай пляцоўцы хлопчыкі і дзяўчынкі змогуць пагуляць у баскетбол, футбол, валейбол. Для бяспекі дзяцей пляцоўкі забяспечаны абсталяваннем, якое засцерагае малых ад траўмаў падчас гульняў.
Таццяна ЛАЗОЎСКАЯ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».