Вы тут

ХІХ Сусветны фестываль моладзі і студэнтаў сабраў каля 25 тыс. чалавек


Кантыненты сышліся ў Сочы: больш за 25 тысяч чалавек са 180 краін прыехала на ХІХ Сусветны фестываль моладзі і студэнтаў, каб абмяняцца ідэямі, зірнуць на глабальныя пытанні ўсяго чалавецтва і пастарацца знайсці на іх адказы.


Праграма мерапрыемства была напоўнена абмеркаваннямі культурных і навуковых тэм. Не абмінулі і высокія тэхналогіі, аўтаматызацыю прафесій. І, здаецца, не было таго, што не паспелі закрануць за фестывальны тыдзень. Засвоіць такую колькасць інфармацыі без належнага расслаблення цяжка. Але арганізатары прадумалі і гэта. У распараджэнне ўсіх удзельнікаў выдзелілі вялікую пляцоўку для спартыўных і экстрэмальных дысцыплін. Пра тое, як можна было здаць спартыўныя нарматывы, заняцца адразу некалькімі відамі баявых мастацтваў у адзін дзень, падрабязней у матэрыяле нашага карэспандэнта.

На фестывалі пастаянна праходзілі сяброўскія спартыўныя мерапрыемствы. Так, усе ахвотныя маглі паўдзельнічаць у забегу-2017 на трасе «Формулы-1», на якім была і генеральны прадзюсар «Матч ТБ» Ціна Кандэлакі. Яна адправілася туды адразу са сцэны. Практычна кожны дзень удзельнікі фестывалю здавалі нарматывы ГПА і атрымлівалі памятныя прызы. Для гэтага трэба было выбраць пяць «страў з меню», у якое ўваходзілі адцісканні, падцягванні, прэс, штуршок гіры, скачкі ў даўжыню і іншыя. Прычым маглі гэта зрабіць і дзяўчаты, і хлопцы любога ўзроўню падрыхтоўкі.

Таксама на мерапрыемстве працавалі і пляцоўкі для экстрэмальных відаў спорту. Калі вы любіце BMХ, ролікавыя канькі або скейтборд,  вам пэўна трэба было ісці сюды. Усім ахвотным давалася экіпіроўка і месца на рампе. Аматары футбола маглі сабраць сваю каманду і паўдзельнічаць у сяброўскім міжнародным турніры. І гэта самыя прыкметныя, але далёка не ўсе спартыўныя мерапрыемствы, якімі быў напоўнены фестываль. Удзельнічаць можна было ў кожным без перапынку, у адным за адным. Без перабольшання — Алімпіяда актыўна адпачывала.

На працягу фестывальнага тыдня кожны дзень праходзілі і трэнінгі па баявых мастацтвах. Прычым узровень складанасці трэніровак тут сапраўды быў індывідуальны. Калі аматар і пачатковец — вас вучылі рухацца і паказвалі асновы. Калі вы ўжо ў тэме — дэманстравалі складаныя звязкі ўдараў і логіку вядзення паядынку. Мне пашанцавала паўдзельнічаць у майстар-класе па кікбоксінгу ад заслужанага майстра спорту, шматразовага чэмпіёна Расіі, СНД, Еўропы і свету Руслана Тазліяна. Магу адзначыць, што трэніроўка выйшла дынамічная. Руслан Тазліян пазней сказаў, што яшчэ дзень таму ён паказваў больш простыя рэчы, але потым заўважыў: публіка сабралася падрыхтаваная, і ёй трэба было нешта паскладаней. «Я планаваў паглыбіцца і даць камбінацыі прафесійнага ўзроўню, якія выкарыстоўваю сам. Гэты фестываль для мяне — унікальная магчымасць паказаць моладзі ўсяго свету, што такое кікбоксінг. Акрамя таго на фестывалі ёсць самыя разнастайныя кірункі айкідо, каратэ, самба, якія цікавыя мне як прафесіяналу. Тут мы дзелімся і атрымліваем новы вопыт. У сяброўскай атмасферы развіваемся і развіваем іншых», — растлумачыў Руслан Тазліян.

У канцы тыдня прайшоў фестываль баявых мастацтваў. Майстры і іх вучні 13 відаў усходніх і спрадвечна рускіх відаў адзінаборстваў сустрэліся на адным татамі насупраць Алімпійскага агню і паказалі ўсё, на што здольныя. Сіла духу і гармонія ішлі да гледачоў ад спартсменаў з усіх краін свету. Гэтыя эмоцыі падкрэслівалі агульныя паняцці фестывалю — аб'яднанне, разуменне і ўзаемапавага.

Ілья КРЫЖЭВІЧ

krуzhеvісh@zvіаzdа.bу

Загаловак у газеце: Фестываль са спартыўным ухілам

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».