Вы тут

Усе мясцовыя аўтамабільныя дарогі Беларусі прывядуць у належны стан


На працягу некалькіх гадоў усе мясцовыя аўтамабільныя дарогі Беларусі будуць прыведзены ў належны стан.

Нагадаем, па даручэнні Прэзідэнта краіны была распрацавана «Дзяржаўная праграма па развіцці і ўтрыманні аўтамабільных дарог у Рэспубліцы Беларусь на 2017—2020 гады». Дакументам прадугледжана адрамантаваць і рэканструяваць не менш чым 7 тысяч кіламетраў мясцовых дарог і 2 809 пагонных метраў мастоў і пуцеправодаў.


Цяпер агульная працягласць мясцовых аўтамабільных дарог у краіне складае 70 977 кіламетраў. Мясцовыя дарогі забяспечваюць транспартныя сувязі каля 23 тысяч населеных пунктаў, а таксама пад'езды да прамысловых, сельскагаспадарчых і іншых аб'ектаў.

— Рашэнне аб першачарговым рамонце мясцовых дарог было прынята, зыходзячы з іх фактычнага стану, — адзначыў начальнік галоўнага ўпраўлення аўтамабільных дарог Міністэрства транспарту і камунікацый Аляксандр ГАЛАЎНЁЎ. — Па звестках камісійных аглядаў, больш чым 30% дарог патрабуюць неадкладнага рамонту: гэта каля 21 тысячы кіламетраў. Прынятая праграма дазволіць стабілізаваць стан мясцовай дарожнай сеткі і ў некаторых аспектах палепшыць яе эксплуатацыю. Другі аспект, на які звернута ўвага праграмы, — стан мастоў і пуцеправодаў. На сённяшні дзень з 3034 маставых збудаванняў на мясцовых дарогах 1954 масты, або 64%, не адпавядаюць нарматыўным патрабаванням.

Для выканання дарожных работ на мясцовай сетцы прадугледжана накіраваць каля 1,4 млрд рублёў за кошт сродкаў мясцовых бюджэтаў, субвенцый з рэспубліканскага дарожнага фонду і крэдытаў Банка развіцця Рэспублікі Беларусь.

Як паведаміў дырэктар Беларускага дарожнага навукова-даследчага інстытута Віктар ШУМЧЫК, аснова дарожнай сеткі Беларусі сфарміравалася яшчэ ў часы Савецкага Саюза. «Цяпер у нас самая высокая шчыльнасць дарожнай сеткі сярод краін СНД: 418 кіламетраў на тысячу квадратных кіламетраў, — расказаў Віктар Шумчык. — За апошнія 25 гадоў восевыя нагрузкі ў нас павялічыліся. У выніку з 70 тысяч кіламетраў дарог мясцовай сеткі гэтыя нагрузкі не адпавядаюць больш як 80% усёй працягласці. Трэба прымаць рашэнне па іх узмацненні. Гэта залежыць ад інтэнсіўнасці руху транспарту, ад значэння канкрэтнай дарогі, шэрагу іншых спецыяльных фактараў».

Вераніка КАНЮТА

kanyuta@zvіazda.by

Загаловак у газеце: Ад вёскі да вёскі

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.