З пачатку наступнага месяца бюджэт пражытковага мінімуму ў сярэднім на душу насельніцтва (і адпаведна выплаты, завязаныя на ім) вырасце на 0,1 працэнта — да 197,81 рубля. Гэта зацверджана пастановай Міністэрства працы і сацыяльнай абароны ад 23 кастрычніка 2017 года №60.
З 1 лістапада да 31 студзеня БПМ для працаздольнага насельніцтва складзе 217,74 рубля, пенсіянераў — 151,97, студэнтаў — 192,34, малых ва ўзросце да трох гадоў — 128,32, дзяцей ад трох да шасці гадоў — 177,04, дзяцей ад шасці да васямнаццаці — 216,85 рубля.
У сувязі са змяненнем бюджэту вырастуць (праўда, нязначна) мінімальныя працоўныя і сацыяльныя пенсіі, надбаўкі і павышэнні да іх, даплаты пажылым ва ўзросце 75 гадоў і старэйшым, якія атрымліваюць пенсіі ў органах па працы, занятасці і сацыяльнай абароне. Павысяцца таксама памеры дапамогі па доглядзе за інвалідам першай групы ці за асобай, якая дасягнула 80-ці гадоў.
Пералічацца і выплаты на дзяцей. Аднаразовая дапамога ў сувязі з нараджэннем першага дзіцяці складзе 1978 рублёў, другога і наступнага — 2769 рублёў. Штомесячныя выплаты сем'ям, якія выхоўваюць малых, павялічацца на некалькі капеек.
Наталля ЛУБНЕЎСКАЯ
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
