Вы тут

Як правільна ўспомніць пра нябожчыкаў у дзень памінання спачылых


Сёння, 28 кастрычніка, у праваслаўным календары дзень асаблівага памінання спачылых — Дзімітрыеўская бацькоўская субота. Гэта апошняя магчымасць у гэтым годзе згадаць пра памерлых у дзень асаблівага памінання. Наступная будзе толькі ў лютым.


Дзімітрыеўская субота была ўстаноўлена вялікім князем Дзмітрыем Данскім у найбліжэйшую суботу перад днём памяці яго нябеснага заступніка велікамучаніка Дзімітрыя Салунскага (адзначаецца 8 лістапада) у памяць аб загінулых у Кулікоўскай бітве воінах. З часам памінанне толькі воінаў перарасло ў памінанне ўсіх праваслаўных хрысціян. 4 лістапада — гэта субота перад днём памяці Дзімітрыя Салунскага, але ў гэтым годзе з-за свята Казанскай іконы Божай Маці, якое прыпадае на тое ж чысло, памінальны дзень перанесены на тыдзень раней.

«Праваслаўнаму хрысціяніну ў Дзімітрыеўскую суботу трэба наведаць храм, пабыць на паніхідзе. Калі ёсць магчымасць, можна з'ездзіць на могілкі, — параіў іерэй Раман Арцёмаў, клірык храма роўнаапостальнай Марыі Магдаліны ў Мінску, выкладчык Мінскай духоўнай акадэміі, магістр філасофскіх навук. — Трэба памятаць, што мэта памінальнай суботы не ў тым, каб ужыць пэўныя стравы. Мэта ўвогуле не ў тым, каб штосьці з'есці, а ў тым, каб прыйсці ў храм і памаліцца за нябожчыкаў. Наведаеце ў гэты дзень могілкі ці не — не самае галоўнае. Калі і атрымаецца на іх трапіць, то ніякіх прадуктаў харчавання мы на могілках не пакідаем і самі ежу на іх не ўжываем, бо такога кшталту традыцыі маюць язычніцкія карані. Максімум можна запаліць лампаду ці свечку, калі надвор'е дазволіць, і памаліцца».

Айцец Раман раіць праваслаўным вернікам падрыхтавацца і прычасціцца ў гэты дзень, калі не атрымаецца — хоць бы наведаць паніхіду. Для тых, хто нячаста наведвае храм, дае параду ў царкве маліцца сваімі словамі. «Гэта самы лепшы варыянт — размаўляць з Богам сваімі словамі, казаць Яму пра тое, пра што сапраўды баляць сэрца і душа. Пасля, калі чалавек увацаркавіцца, стане часткай Царквы, тады яму будзе лёгка маліцца і па малітваслове. А пакуль падыдзе і такі варыянт», — лічыць свяшчэннаслужыцель.

Вераніка ПУСТАВІТ

pustavіt@zvіazda.by

Загаловак у газеце: Галоўнае — памаліцца за блізкіх

Выбар рэдакцыі

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа... 

Калейдаскоп

Правілы чамадана. Парады па зборы ў адпачынак ад розных спецыялістаў

Правілы чамадана. Парады па зборы ў адпачынак ад розных спецыялістаў

 Куды б вы ні накіроўваліся, пытанне «Што пакласці ў чамадан, а што пакінуць дома?» цяпер актуальнае для многіх.

Культура

Рэктар БДУКМ Наталля Карчэўская: Мая работа — гэта творчасць кожны дзень!

Рэктар БДУКМ Наталля Карчэўская: Мая работа — гэта творчасць кожны дзень!

«Жанчыну, якая займаецца танцамі, відаць здалёк!»